Kjörsókn frá 10% upp í 70%

Frá undirritun samningsins í Karphúsinu aðfaranótt laugardags. Sjómenn hafa í ...
Frá undirritun samningsins í Karphúsinu aðfaranótt laugardags. Sjómenn hafa í gær og í dag kosið um samninginn. Búist er við niðurstöðu í kvöld. mbl.is/Eggert Jóhannesson

Kjörsókn vegna atkvæðagreiðslu um nýjan samning sjómanna er mjög breytileg eftir stéttarfélögum, en um eina heildarkosningu er að ræða. Hjá Sjómanna- og vélstjórafélagi Grindavíkur var um 35% kjörsókn þegar mbl.is náði tali af formanni félagsins rétt fyrir fjögur í dag. Félagið er stærsta aðildarfélag Sjómannasambands Íslands.

Hjá Öldunni í Skagafirði lauk kosningu klukkan eitt í dag og var kjörsókn þar 80%, en 54 voru á kjörskrá. Hjá Verkalýðs- og sjómannafélagi Keflavíkur var kjörsóknin heldur dræm, en aðeins sjö af 64 félagsmönnum höfðu kosið á fjórða tímanum.

Hjá Framsýn á Húsavík var kjörsókn á bilinu 60-70% og sömu sögu var að segja frá Verkalýðsfélagi Snæfellinga. Hjá Verkalýðsfélagi Vestfjarða var kjörsókn 43% rétt fyrir fjögur og hjá Sjómannafélaginu Jötni hafði um helmingur félagsmanna kosið. Hjá Afli í Neskaupstað var kjörsókn rétt undir 50%, en þar var kynningarfundur að hefjast, sem jafnframt er síðasti slíki fundurinn til að fara fram áður en kosningu lýkur á landinu. Hefur venjan verið sú að flestir kjósi að kynningarfundum loknum hjá öðrum félögum.

Kjörseðlar verða í flestum tilfellum sendir suður til Reykjavíkur þar sem talið verður hjá ríkissáttasemjara í kvöld. Þá munu sýslumenn eða lögreglan í einhverjum tilfellum telja atkvæði á viðkomandi stað og koma úrslitum til ríkissáttasemjara. Búist er við að niðurstöður liggi fyrir eftir klukkan átta í kvöld.

mbl.is
Afurð Dags. Meðalverð
Gellur 6.12.17 706,00 kr/kg
Þorskur, óslægður 19.1.18 237,72 kr/kg
Þorskur, slægður 19.1.18 300,96 kr/kg
Ýsa, óslægð 19.1.18 213,05 kr/kg
Ýsa, slægð 19.1.18 234,63 kr/kg
Ufsi, óslægður 19.1.18 70,22 kr/kg
Ufsi, slægður 19.1.18 108,33 kr/kg
Djúpkarfi 29.12.17 131,00 kr/kg
Gullkarfi 19.1.18 187,12 kr/kg
Litli karfi 14.12.17 0,00 kr/kg

Fleiri tegundir »

19.1.18 Litlanes ÞH-003 Línutrekt
Ýsa 1.521 kg
Langa 201 kg
Samtals 1.722 kg
19.1.18 Háey Ii ÞH-275 Lína
Þorskur 4.638 kg
Ýsa 461 kg
Steinbítur 82 kg
Hlýri 20 kg
Lýsa 10 kg
Samtals 5.211 kg
19.1.18 Særún EA-251 Lína
Þorskur 1.024 kg
Ýsa 852 kg
Samtals 1.876 kg
19.1.18 Auður Vésteins SU-088 Lína
Ýsa 815 kg
Steinbítur 58 kg
Langa 24 kg
Samtals 897 kg

Skoða allar landanir »