Gefur björgunarsveitinni tvær milljónir

Samherji hefur gefið björgunarsveitinni Dalvík tvær milljónir króna til að byggja upp aðbúnað sveitarinnar, bæði til æfinga og þegar á reynir. Þetta kemur fram í tilkynningu frá björgunarsveitinni sem hún birtir á Facebook-síðu sinni, en gjöfin er í tilefni nafngiftar Björgúlfs EA-312.

Frétt af mbl.is

Nýju skipi Samherja gefið nafn

Í tilkynningunni segir að Samherji sé góður bakhjarl og hafi stutt sveitina vel í gegnum tíðina. Þá má sjá mynd af bréfi frá Samherja þar sem fullyrt er að björgunarsveitin sé öflug og meðlimir hennar duglegir og ósérhlífnir, „og vinna óeigingjarnt starf í sjálfboðavinnu á svæðinu.“

• Blogga um frétt