Vestfirðingum gæti fjölgað um 900

Um 450 manns sitja íbúafund í íþróttahúsinu á Ísafirði í ...
Um 450 manns sitja íbúafund í íþróttahúsinu á Ísafirði í dag. Ljósmynd/Halldór Sveinbjörnsson

Yrði 25 þúsund tonna laxeldi leyft við Ísafjarðardjúp gæti það skapað 260 ný störf á um áratug og um 150 afleidd störf til viðbótar. KPMG telur að íbúaþróun myndi snúast við og áætlar að fjölga myndi um 900 manns í sveitarfélögunum við Djúp á sama tíma og bein störf ná hámarki.

Þetta er meðal niðurstaðna greiningar KPMG fyrir Fjórðungssamband Vestfjarða á áhrifum mögulegs laxeldis í Ísafjarðardjúpi. Skýrslan var kynnt á fjölmennum íbúafundi á Ísafirði í dag þar sem rætt var um innviða- og atvinnuuppbyggingu á Vestfjörðum. Í greiningu KPMG var lagt mat á efnahagsleg og samfélagsleg áhrif laxeldis á svæðinu. Í skýrslu sem Hafrannsóknarstofnun gaf út í ágúst kom fram að stofnunin leggðist gegn eldi á frjó­um laxi í sjókví­um í Ísa­fjarðar­djúpi vegna mögu­legra mik­illa nei­kvæðra áhrifa á laxa­stofna í Djúp­inu. Sér­stakt áhættumat sem var unnið sýni þó fram á að ásætt­an­legt sé að leyfa allt að 71.000 tonna fram­leiðslu af frjó­um eld­islaxi hér við land.

Í skýrslu KPMG er einnig lagt mat á heildarumfang beinna og óbeinna áhrifa 25 þúsund tonna laxeldis sem talið er verða um 23 milljarða króna á ári við hámarksframleiðslu. Greiðslur á ári til ríkissjóðs nema um 1.070 milljónum króna og um 380 milljónum króna til sveitarfélaga þegar framleiðsla er í hámarki og flest bein störf verða til.

Þó ýmsar forsendur séu háðar óvissu er ljóst að hér er um að ræða stórt tækifæri til atvinnuuppbyggingar og styrkingu samfélaga í byggðalögunum við Ísafjarðardjúp, segir í skýrslu KPMG. 

Vaxandi grein í heiminum

Fiskeldi, og þá ekki síst laxeldi hefur verið mjög vaxandi atvinnugrein í heiminum öllum. Fiskeldi hefur nú tekið fram úr veiðum úr villtum stofnum í aflamagni, segir í skýrslu KPMG. Laxeldi á heimsvísu nam 2,4 milljónum tonna í árslok 2015 og hefur vaxið bæði hratt og nánast stöðugt síðasta aldarfjórðung.

Nágrannalönd Íslands hafa ekki farið varhluta af þessari þróun og er laxeldi orðin mjög umfangsmikil atvinnugrein bæði í Noregi og Færeyjum og einnig hefur verið töluverður vöxtur á Írlandi og Skotlandi.

Á heimsvísu er talið að 18,7 milljónir manna starfi við fiskirækt af ýmsum toga um þessar mundir og nemur aukning starfa um 50% frá síðustu aldamótum, að mati KPMG. 

Heildarframleiðsla eldislax á Íslandi nam rúmum 8 þúsund tonnum í fyrra og hefur aldrei verið meiri.  Fjöldi nýrra fyrirtækja hafa hafið starfsemi á síðustu árum, aðallega á Vestfjörðum og Austfjörðum.

„Okkar mat er að laxeldi muni að öllum líkindum verða til þess íbúaþróun snúist [í sveitarfélögunum við Ísafjarðardjúp],“ sagði Gunnar Tryggvason frá KPMG sem kynnti skýrsluna á íbúafundinum á Ísafirði í dag. „Þó ýmsar forsendur séu háðar óvissu er ljóst að stórt tækifæri felst í því að byggja upp laxeldi við Ísafjarðardjúp.“

Skýrslu KPMG má finna í viðhengi hér að neðan.

mbl.is

Bloggað um fréttina

Afurð Dags. Meðalverð
Gellur 6.12.17 706,00 kr/kg
Þorskur, óslægður 21.2.18 246,84 kr/kg
Þorskur, slægður 21.2.18 269,73 kr/kg
Ýsa, óslægð 21.2.18 290,44 kr/kg
Ýsa, slægð 21.2.18 252,66 kr/kg
Ufsi, óslægður 21.2.18 36,42 kr/kg
Ufsi, slægður 21.2.18 96,10 kr/kg
Djúpkarfi 7.2.18 104,00 kr/kg
Gullkarfi 21.2.18 168,35 kr/kg
Litli karfi 14.2.18 18,00 kr/kg

Fleiri tegundir »

21.2.18 Vigur SF-080 Lína
Ýsa 4.472 kg
Steinbítur 511 kg
Þorskur 184 kg
Samtals 5.167 kg
21.2.18 Öðlingur SU-019 Línutrekt
Ýsa 3.259 kg
Þorskur 1.959 kg
Steinbítur 303 kg
Samtals 5.521 kg
21.2.18 Sunnutindur SU-095 Línutrekt
Þorskur 2.929 kg
Ýsa 2.819 kg
Steinbítur 221 kg
Samtals 5.969 kg
21.2.18 Sæþór EA-101 Þorskfisknet
Þorskur 3.544 kg
Ýsa 116 kg
Karfi / Gullkarfi 71 kg
Samtals 3.731 kg

Skoða allar landanir »