„Fer ekkert á milli mála“

Tundurduflið á dekki skipsins.
Tundurduflið á dekki skipsins. Ljósmynd/Landhelgisgæslan

„Það fer ekkert á milli mála að það er eitthvað annað í pokanum en fiskur. Hins vegar kemur tundurduflið ekki í ljós fyrr en þetta er komið inn á dekk, þegar opnað er fyrir pokann.“

Þetta segir Ólafur H. Gunnarsson, skipstjóri á Ljósafelli, í samtali við 200 mílur en áhöfn skipsins fékk tundurdufl í trollið aðfaranótt síðastliðins mánudags. Sjá má frá sprengingu duflsins neðar í fréttinni.

Spurður hvernig reynslan hafi verið segir Ólafur að þetta sé nú ekki í fyrsta skipti sem hann fái dufl í trollið á sinni skipstjóratíð.

„Mönnum er kannski ekki alveg sama. En ég held að ef duflið væri virkt, á þann veg að það myndi springa við hnjask, þá væri þetta löngu sprungið. Þetta er kannski ekki alveg eins hættulegt og það var árið 1950, þessi fyrstu ár á eftir. Þá voru þau hættuleg. En nú er langt um liðið, sjötíu ár.“

Ljósafell SU-70 á siglingu í Fáskrúðsfirði.
Ljósafell SU-70 á siglingu í Fáskrúðsfirði. mbl.is/Albert Kemp

„Saga sem við þurfum að búa við“

Ólafur á þar við síðari heimsstyrjöldina, en ógrynni af tundurduflum var þá lagt í höf í heimsins, eða um 600 til 700 þúsund, og allt að þriðjungur þeirra í kringum Ísland, að því er fram kemur á Vísindavef Háskóla Íslands.

„Þetta er saga sem við þurfum að búa við. Það var lagt út svo mikið af duflum hérna áður fyrr. Og ég hef alveg trú á því að það eru einhver eftir í sjónum, ef þau eru ekki morknuð niður. Það var lítið eftir af þessu dufli, það var að tærast í sundur allt saman.“

Ólafur segir að vantað hafi helming brynjunnar utan um tundurduflið, að því er virtist.

„Hinn helmingurinn var bara farinn. En púðurtunnan var þarna enn þá.“

Ljósafellið í höfn.
Ljósafellið í höfn. mbl.is/Sigurður Bogi

Duflið sprengt á tíu metra dýpi

Fram kemur á vef Landhelgisgæslunnar að þyrlan TF-GNA hafi flutt sprengjusérfræðinga Gæslunnar og búnað þeirra austur. Var lent við þjóðveginn nærri bænum Vík í sunnanverðum Fáskrúðsfirði. Þeir fóru svo um borð í Ljósafellið með slöngubát frá björgunarsveitinni Geisla á Fáskrúðsfirði. 

Duflið var í framhaldinu sett í sjóinn en fest við slöngubátinn þannig að það var á 1,5 metra dýpi. Var svo siglt á heppilegan stað og því sökkt niður á tíu metra dýpi, á meðan Ljósafellið sigldi sína leið til Fáskrúðsfjarðar. 

Segir enn fremur á vef Gæslunnar að eftir að duflinu var komið fyrir hafi verið sett á það bauja með ljósmerki og sólarupprásar svo beðið.

Á áttunda tímanum að morgni mánudagsins hafi liðsmenn sprengjueyðingarsveitarinnar þá kafað niður og fest sprengjuhleðslu á duflið til að eyða því.

Tæpri klukkustund síðar var duflið sprengt en lögregla hafði þá lokað þjóðveginum í um hálfs kílómetra fjarlægð frá duflinu. Allt gekk að óskum en ljóst mun hafa verið af sprengingunni að duflið var algerlega virkt.

Reyna að veiða eitthvað annað en þorsk

Ljósafellið kom að landi í gærkvöldi með um 72 tonn og var uppistaða aflans þorskur. Skipið kom nýlega úr þriggja vikna slipp en síðan þá hefur veiðin gengið ágætlega að sögn Ólafs.

„Við erum búnir að landa þrisvar síðan, á rúmri viku,“ segir hann og bætir við að stefnt sé aftur á miðin klukkan átta í fyrramálið.

„Við ætlum að reyna að fiska karfa og eitthvað annað en þorsk. Það er allt á fullu í makríl hérna hjá okkur og á meðan þurfa þeir ekki bolfisk í vinnsluna. Þá geymum við þorskinn og hann fær að synda í sjónum.“

mbl.is
Fleira áhugavert
Afurð Dags. Meðalverð
Þorskur, óslægður 27.3.24 401,29 kr/kg
Þorskur, slægður 27.3.24 443,15 kr/kg
Ýsa, óslægð 27.3.24 182,08 kr/kg
Ýsa, slægð 27.3.24 136,03 kr/kg
Ufsi, óslægður 27.3.24 107,02 kr/kg
Ufsi, slægður 27.3.24 189,28 kr/kg
Gullkarfi 27.3.24 143,21 kr/kg
Litli karfi 27.3.24 8,00 kr/kg
Blálanga, óslægð 11.3.24 50,00 kr/kg
Blálanga, slægð 27.3.24 120,00 kr/kg

Fleiri tegundir »

28.3.24 Kaldbakur EA 1 Botnvarpa
Karfi 91.675 kg
Ufsi 10.767 kg
Þorskur 692 kg
Langa 300 kg
Samtals 103.434 kg
27.3.24 Herdís SH 173 Handfæri
Þorskur 708 kg
Samtals 708 kg
27.3.24 Hrefna ÍS 267 Landbeitt lína
Steinbítur 10.108 kg
Þorskur 718 kg
Ýsa 71 kg
Samtals 10.897 kg
27.3.24 Petra ÓF 88 Grásleppunet
Grásleppa 1.233 kg
Þorskur 118 kg
Skarkoli 6 kg
Rauðmagi 4 kg
Þykkvalúra 3 kg
Ufsi 2 kg
Samtals 1.366 kg

Skoða allar landanir »

Fleira áhugavert
Afurð Dags. Meðalverð
Þorskur, óslægður 27.3.24 401,29 kr/kg
Þorskur, slægður 27.3.24 443,15 kr/kg
Ýsa, óslægð 27.3.24 182,08 kr/kg
Ýsa, slægð 27.3.24 136,03 kr/kg
Ufsi, óslægður 27.3.24 107,02 kr/kg
Ufsi, slægður 27.3.24 189,28 kr/kg
Gullkarfi 27.3.24 143,21 kr/kg
Litli karfi 27.3.24 8,00 kr/kg
Blálanga, óslægð 11.3.24 50,00 kr/kg
Blálanga, slægð 27.3.24 120,00 kr/kg

Fleiri tegundir »

28.3.24 Kaldbakur EA 1 Botnvarpa
Karfi 91.675 kg
Ufsi 10.767 kg
Þorskur 692 kg
Langa 300 kg
Samtals 103.434 kg
27.3.24 Herdís SH 173 Handfæri
Þorskur 708 kg
Samtals 708 kg
27.3.24 Hrefna ÍS 267 Landbeitt lína
Steinbítur 10.108 kg
Þorskur 718 kg
Ýsa 71 kg
Samtals 10.897 kg
27.3.24 Petra ÓF 88 Grásleppunet
Grásleppa 1.233 kg
Þorskur 118 kg
Skarkoli 6 kg
Rauðmagi 4 kg
Þykkvalúra 3 kg
Ufsi 2 kg
Samtals 1.366 kg

Skoða allar landanir »