Ekki er eðlilegt að notast sé við tveggja ára gamlar upplýsingar þegar álagning veiðigjalda er reiknuð, og að í útreikningunum séu í einum potti afkoma landvinnslu, frystitogara, uppsjávarskipa, ísfisktogara, báta og smábáta.

Þetta er niðurstaða aðalfundar Eldingar, félags smábátaeigenda í Ísafjarðarsýslum, sem haldinn var á Ísafirði í lok september. Veiðigjöldin voru þar rædd af miklum þunga, að því er fram kemur á vef Landssambands smábátaeigenda, og var krafa fundarins að afkoma smábáta yrði reiknuð sér.

„Sannast alveg kristaltært“

Var að lokum samþykkt eftirfarandi ályktun:

„Aðalfundur Eldingar mótmælir álagningu veiðigjalda eins og þau eru lögð á í dag. Það er ekki eðlilegt að notaðar séu tveggja ára tölur við útreikninga á gjaldinu. Inn í útreikningana eru sett í einn pott afkoma landvinnslu, frystitogara, uppsjávarskipa, ísfiskstogara, báta og smábáta. Það er krafa fundarinns að afkoma smábáta verði reiknuð sér.

Það getur ekki talist eðlilegt, eins og staðan er í dag, með mjög lágu fiskverði, sem ætti að koma landvinnslunni vel að þá hækki veiðigjald á smábáta. Í þessari gjaldtöku sannast alveg kristaltært að það á að hengja bakara fyrir smið.“

Að auki var samþykkt krafa um að hluti veiðigjaldanna verði eftir í þeirri höfn þar sem fiskinum er landað.

Stjórn Eldingar var endurkjörin en hana skipa þeir Ketill Elíasson, formaður, Kristján Andri Guðjónsson, Þórður Sigurvinsson, Karl Kjartansson og Páll Björnsson.

Tengdar fréttir

Smábátaveiðar

Ánægður með nýja Sigrúnu Björk ÞH

• Lokun Skápsins tvímælalaust að skila sér
• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum

» Fleiri tengdar fréttir

Veiðigjöld

Veiðigjöld tóku breytingum

• Greiddu rúma 10 milljarða í veiðigjöld
• 7,9 milljarða í veiðigjöld á 9 mánuðum
• Auðlindagjöld skili 12,2 milljörðum króna
• Mestu veiðigjöld síðustu fimm ár

» Fleiri tengdar fréttir

• Blogga um frétt