Eftirlitsmenn Fiskistofu kanna um þessar mundir hvort eldislaxar finnist í ám nærri sjókvíaeldisstöðvum á Vestfjörðum. Hefur stofan haft samráð við Hafrannsóknastofnun um leitina, en stofnunin telur að niðurstöður könnunarinnar geti gagnast við áhættumat vegna hugsanlegrar erfðablöndunar laxa á Vestfjörðum.

Þetta kemur fram í bréfi sem Fiskistofa hefur sent Ísafjarðarbæ, en greint er frá bréfinu á fréttavefnum Bæjarins besta.

Segir þar að í bréfinu sé óskað eftir leyfi bæjarins til sýnatöku í Sandá í Dýrafirði, þar sem bærinn eigi land að ánni. Fram kemur að bærinn hafi veitt leyfið en sett það skilyrði að fá upplýsingar um fjölda laxa sem finnist við leitina og hvernig skipting þeirra sé í eldislaxa og náttúrulega laxa, um leið og sýnatökunni ljúki.

Nánar á vef Bæjarins besta.

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir

• Blogga um frétt