Dróni notaður við fiskeftirlit

Fiskistofa hefur notað myndavéladróna til að skyggna hylji í laxveiðiám við athugun á því hvort þar sé fiskur.

Þetta hefur m.a. verið gert í ám á Vestfjörðum í haust til að kanna hvort þar sé að finna eldislax sem leitað hafi í árnar. Þá hefur drónanum verið flogið yfir og síðan verið metið hvort ástæða sé til að fara í veiðiaðgerðir.

Lax- og silungsveiðisvið Fiskistofu hefur m.a. eftirlit með netaveiði á göngusilungi í sjó og notaði eftirlitsmaður Fiskistofu í fyrsta skipti í sumar dróna við eftirlitið, en dróninn hentar m.a. vel við torsótt svæði, að því er fram kemur í  umfjöllun um mál þetta í Morgunblaðinu í dag.