Fengu viðurkenningu fyrir björgun skútunnar

Ingvi Friðriksson, skipstjóri á Árna Friðrikssyni, tekur við viðurkenningunni.
Ingvi Friðriksson, skipstjóri á Árna Friðrikssyni, tekur við viðurkenningunni. mbl.is/Golli

Charles D. Michel, aðmíráll og næstæðsti yfirmaður bandarísku strandgæslunnar, sæmdi í gærmorgun skipverja á Árna Friðrikssyni, rannsóknaskipi Hafrannsóknastofnunar, áhöfn flugvélar Isavia, TF-FMS, og starfsmenn í stjórnstöð Landhelgisgæslunnar viðurkenningu fyrir þátt þeirra í að bjarga áhöfn bandarísku skútunnar Valiant í sumar.

Ljósmyndari mbl.is var viðstaddur þegar athöfnin fór fram um borð í varðskipinu Þór.

Ingvi Friðriksson, skipstjóri á Árni Friðrikssyni, var sæmdur sérstakri viðurkenningu fyrir hugdirfsku (e. Certificate of Valor) en áhöfn skipsins fékk viðurkenningu fyrir störf í almannaþágu (e. Certificate of Public Service). Flugstjóri og flugmaður TF-FMS og varðstjórar og stjórnandi í stjórnstöð Landhelgisgæslunnar voru einnig sæmdir viðurkenningu fyrir störf í almannaþágu.

Að lokinni athöfninni, sem haldin var í sannkölluðu blíðskaparveðri, bauð Landhelgisgæslan til vöfflukaffis í matsal varðskipsins.

Morgunsólin lýsti upp athöfnina í blíðskaparveðri í Reykjavíkurhöfn.
Morgunsólin lýsti upp athöfnina í blíðskaparveðri í Reykjavíkurhöfn. mbl.is/Golli

Árni Friðriksson í þrjátíu sjómílna fjarlægð

Valiant lenti í alvarlegum sjávarháska aðfaranótt 26. júlí þegar brotsjór reið yfir hana.

Þrír þaulreyndir sjómenn voru um borð þegar stjórnstöð Landhelgisgæslunnar nam boð frá neyðarsendi skútunnar djúpt suðvestur af landinu, skammt utan við mörk fiskveiðilögsögunnar. Varðstjórar og stjórnandi í stjórnstöðinni skipulögðu og stýrðu aðgerðum sem leiddu að lokum til þess að skútan fannst og áhöfninni var bjargað.

Rannsóknarskipið Árni Friðriksson var í þrjátíu sjómílna fjarlægð frá staðsetningu neyðarsendisins og óskaði stjórnstöð LHG eftir því að skipið færi þegar á vettvang, að því er fram kemur á vef Gæslunnar.

Snæbjörn Guðbjarnarson flugstjóri og Hallgrímur Jónsson flugmaður taka við viðurkenningum ...
Snæbjörn Guðbjarnarson flugstjóri og Hallgrímur Jónsson flugmaður taka við viðurkenningum sínum. mbl.is/Golli

Undirbúningur, fagmennska og kjarkur

„Snemma um morguninn var flugvél Isavia, TF-FMS, var kölluð út til leitar og tókst flugmönnum hennar að miða út fjarskiptasendingar frá skútunni og staðsetja hana með nákvæmum hætti.

Var Árna Friðrikssyni í framhaldinu beint á staðinn. Skipstjóri og áhöfn rannsóknarskipsins björguðu mönnunum þremur um borð við krefjandi aðstæður og hlúðu vel að þeim uns hægt var að koma þeim í land nokkrum dögum síðar.“

„Und­ir­bún­ing­ur, fag­mennska og kjark­ur voru upp­skrift­in að því sem gerði það að verk­um að þetta óhapp endaði jafn vel og raun bar vitni,“ sagði Morrie Pier­sol, einn skip­verjanna þriggja eftir björgunina.

Georg Lárusson, forstjóri Landhelgisgæslunnar, fylgdist með.
Georg Lárusson, forstjóri Landhelgisgæslunnar, fylgdist með. mbl.is/Golli
Stjórnandi og varðstjórar í stjórnstöð LHG, auk mannauðsstjóra LHG, taka ...
Stjórnandi og varðstjórar í stjórnstöð LHG, auk mannauðsstjóra LHG, taka við viðurkenningu frá aðmírálnum. mbl.is/Golli
Áhöfnin á Árna Friðrikssyni.
Áhöfnin á Árna Friðrikssyni. mbl.is/Golli
Á þilfari Þórs í blíðskaparveðri.
Á þilfari Þórs í blíðskaparveðri. mbl.is/Golli
mbl.is
Afurð Dags. Meðalverð
Gellur 6.12.17 706,00 kr/kg
Þorskur, óslægður 19.1.18 237,67 kr/kg
Þorskur, slægður 19.1.18 301,01 kr/kg
Ýsa, óslægð 19.1.18 189,40 kr/kg
Ýsa, slægð 18.1.18 243,34 kr/kg
Ufsi, óslægður 18.1.18 86,53 kr/kg
Ufsi, slægður 18.1.18 106,13 kr/kg
Djúpkarfi 29.12.17 131,00 kr/kg
Gullkarfi 18.1.18 192,09 kr/kg
Litli karfi 14.12.17 0,00 kr/kg

Fleiri tegundir »

19.1.18 Benni SU-065 Lína
Ýsa 3.201 kg
Þorskur 56 kg
Keila 36 kg
Karfi / Gullkarfi 8 kg
Hlýri 6 kg
Samtals 3.307 kg
19.1.18 Sunnutindur SU-095 Línutrekt
Þorskur 10.373 kg
Ýsa 1.330 kg
Langa 36 kg
Ufsi 16 kg
Steinbítur 14 kg
Samtals 11.769 kg
19.1.18 Öðlingur SU-019 Lína
Þorskur 4.601 kg
Ýsa 1.505 kg
Langa 159 kg
Samtals 6.265 kg

Skoða allar landanir »