Síldarsöltun hafin á Fáskrúðsfirði

Loðnuvinnslan er eini framleiðandi saltsíldar sem eftir er á landinu.
Loðnuvinnslan er eini framleiðandi saltsíldar sem eftir er á landinu. mbl.is/Albert Kemp

„Síldin er komin“ var hrópað á árum áður þegar síldarbátar komu að landi. Og enn kemur síldin þó ekkert sé hrópað, því að þrátt fyrir breytta tíma er síldin enn verðmæt afurð.

Þetta segir á vef Loðnuvinnslunnar, en Hoffellið er nú að landa um 150 tonnum af síld til söltunar. Í gegnum vinnsluna geta farið um 180 tonn á dag miðað við að unnið sé í 12 tíma.

Grétar Arnþórsson, verkstjóri síldarverkunar hjá Loðnuvinnslunni, segir síldina góða að þessu sinni þrátt fyrir að vera nokkuð feit. Bætir hann því við að stundum sé erfitt að vinna feita síld í vélunum, hún vilji festast meira heldur en mögur síld, en að sama skapi sé hún mikið bragðbetri.

Síld söltuð á Fáskrúðsfirði.
Síld söltuð á Fáskrúðsfirði. mbl.is/Albert Kemp

„Síldin er komin“

Fram kemur einnig á vef Loðnuvinnslunnar að fyrirtækið hafi fest kaup á nýjum vélum í sumar, til að flaka síld.

„Eru þessar vélar afar fullkomnar og þarf mannshöndin ekkert að koma þar að. En þrátt fyrir sífellt aukna tækni og sjálfvirkni við vinnsluna eru ennþá störf sem eru nokkuð erfið, en í fyllingu tímans munu þau eflaust hverfa á braut. Vélar sjá um að hausskera og flaka síldina, síðan fer hún í saltpækil í körum þar sem að hræra þarf í annað slagið og er það gert handvirkt. Eftir það er síldin færð í tunnur sem í dag eru úr plasti en trétunnurnar eru alveg horfnar á braut,“ segir á vefnum.

Bent er á að Grétar sé ekki blautur á bak við eyrun, heldur hafi hann byrjað að vinna á síldarplani á hinum svokölluðu síldarárum aðeins tíu ára að aldri.

Eitt af hans hlutverkum hafi þá verið að boða mannskapinn til vinnu með því að hlaupa um bæinn og kalla „síldin er komin“.

„Stundum þurfti maður að nota spýtu og renna henni eftir bárujárninu á húsunum til að ræsa,“ er haft eftir Grétari og hlær hann við. „Þá voru engir símar og þetta var leiðin.“ 

Ítarlegri umfjöllun á vef Loðnuvinnslunnar

mbl.is
Afurð Dags. Meðalverð
Gellur 6.12.17 706,00 kr/kg
Þorskur, óslægður 25.2.18 274,10 kr/kg
Þorskur, slægður 25.2.18 267,40 kr/kg
Ýsa, óslægð 25.2.18 319,46 kr/kg
Ýsa, slægð 25.2.18 310,79 kr/kg
Ufsi, óslægður 25.2.18 75,00 kr/kg
Ufsi, slægður 25.2.18 101,33 kr/kg
Djúpkarfi 7.2.18 104,00 kr/kg
Gullkarfi 25.2.18 214,90 kr/kg
Litli karfi 14.2.18 18,00 kr/kg

Fleiri tegundir »

25.2.18 Sigrún EA-052 Handfæri
Þorskur 1.458 kg
Samtals 1.458 kg
25.2.18 Indriði Kristins BA-751 Lína
Þorskur 12.299 kg
Steinbítur 1.118 kg
Steinbítur 924 kg
Ýsa 436 kg
Samtals 14.777 kg
25.2.18 Katrín GK-266 Landbeitt lína
Ýsa 190 kg
Þorskur 31 kg
Keila 10 kg
Skarkoli 3 kg
Karfi / Gullkarfi 1 kg
Samtals 235 kg
25.2.18 Vigur SF-080 Lína
Þorskur 285 kg
Steinbítur 142 kg
Langa 26 kg
Samtals 453 kg

Skoða allar landanir »