„Ótrúlegt skip sem maður er enn að læra á“

Friðleifur Einarsson, skipstjóri á Engey.
Friðleifur Einarsson, skipstjóri á Engey. mbl.is/Eggert

„Viðbrigðin voru gríðarleg. Manni var kippt úr gamla tímanum í einu vetfangi og komið fyrir í tölvuvæddri framtíð. Engey RE er ótrúlegt skip sem maður er enn að læra á. En það fer mjög vel með mannskapinn og nýja lagið á bógnum er rækilega búið að sanna sig,“ segir Friðleifur Einarsson, skipstjóri á nýja ísfisktogaranum Engey.

„Þótt Ásbjörn RE hafi verið gott sjóskip þá valt það töluvert í brælum en þessi veltingur heyrir nú sögunni til,“ er haft eftir Friðleifi á vef HB Granda. Er tali var náð af honum var hann með togarann að veiðum á Straumnesgrunni á Vestfjarðamiðum.

Engey var afhent í byrjun árs, fyrst þriggja ísfisktogara sem Céliktrans-skipasmíðastöðin smíðar fyrir útgerðina. Hefur áhöfnin smám saman lært á hinn flókna tölvubúnað sem stýrir veiðum og meðferð aflans.

Að sögn Friðleifs hefur gengið vel að ná tökum á skipinu og tilheyrandi búnaði en hann segist vera fyrstur manna til að viðurkenna að það hafi síður en svo verið auðvelt.

Uppleggið að veiða karfa og þorsk

Í yfirstandandi veiðiferð var byrjað á karfaveiðum á Fjöllunum.

„Veiðarnar gengu sæmilega en það verður að hafa í huga að nú er kominn sá árstími að svartasta skammdegið hellist yfir og það þykir gott að fá einhvern karfaafla við slíkar aðstæður. Við héldum svo norður eftir og höfum mest verið í þorski hér á Vestfjarðamiðum. Við reyndum ekkert við karfa en það er ufsi hér á ferðinni en við höfum lítið sinnt þeim veiðum.

Ufsinn er þannig að maður verður að hanga á slóðinni til að ná árangri en uppleggið hjá okkur í þessari veiðiferð var að veiða karfa og þorsk,“ segir Friðleifur. Stefnt er á að landa aflanum í Reykjavík á morgun.

mbl.is
Afurð Dags. Meðalverð
Gellur 6.12.17 706,00 kr/kg
Þorskur, óslægður 21.2.18 245,05 kr/kg
Þorskur, slægður 21.2.18 270,23 kr/kg
Ýsa, óslægð 21.2.18 278,99 kr/kg
Ýsa, slægð 20.2.18 240,66 kr/kg
Ufsi, óslægður 20.2.18 38,02 kr/kg
Ufsi, slægður 20.2.18 105,81 kr/kg
Djúpkarfi 7.2.18 104,00 kr/kg
Gullkarfi 20.2.18 128,75 kr/kg
Litli karfi 14.2.18 18,00 kr/kg

Fleiri tegundir »

21.2.18 Vigur SF-080 Lína
Ýsa 4.472 kg
Steinbítur 511 kg
Þorskur 184 kg
Samtals 5.167 kg
21.2.18 Öðlingur SU-019 Línutrekt
Ýsa 3.259 kg
Þorskur 1.959 kg
Steinbítur 303 kg
Samtals 5.521 kg
21.2.18 Sunnutindur SU-095 Línutrekt
Þorskur 2.929 kg
Ýsa 2.819 kg
Steinbítur 221 kg
Samtals 5.969 kg
21.2.18 Sæþór EA-101 Þorskfisknet
Þorskur 3.544 kg
Ýsa 116 kg
Karfi / Gullkarfi 71 kg
Samtals 3.731 kg

Skoða allar landanir »