„Stjórnin fordæmir hverskonar sóun á verðmætum við meðhöndlun okkar helstu náttúruauðlindar,“ segir í tilkynningu frá stjórn Samtaka fiskvinnslu og útflytjenda, SFÚ. Tilefnið er fréttaskýringaþáttur Kveiks, sem sýndur var á RÚV í gær, en í honum voru sýndar myndir af miklu brottkasti afla.

„Brottkast og svindl er ólíðandi,“ segir í tilkynningunni. Þar er skorað á næstu ríkisstjórn að grípa strax til viðeigandi ráðstafana til að stöðva slíka sóun. Kerfið verði að tryggja að hagsmunir samfélagsins séu tryggðir og að sóun verðmæta stöðvist og heyri sögunni til.

„Eðlilegt hlýtur að teljast, að í sem flestum tilfellum eigi viðskipti sér stað í gegnum þriðja aðila eins og þekkt er í viðskiptum um fiskmarkaði sem staðsettir eru í flestum höfnum landsins. Óeðlilegir viðskiptahættir við meðhöndlun auðlindarinnar eiga að heyra sögunni til.“

Myndefnið sem sýnt var í þættinum í gær sýndi brottkast af fiskiskipinu Kleifabergi. Á RÚV er haft eftir Guðmundi Kristjánssyni, útgerðarstjóra Brims, að „töluvert hafi dregið úr brottkasti eftir hugarfarsbreytingu um umgengni við auðlindina.“ Hann hafi aldrei gefið fyrirskipun um brottkast.

Tengdar fréttir

Eftirlit með veiðum

Útgerðaraðili sviptur leyfi þrisvar á þremur árum

• Tilkynna drónaeftirlit í mars
• Þrír sviptir leyfi það sem af er ári
• Unnið að aukinni skilvirkni veiðieftirlitsins
• Boðar byltingu í drónaeftirliti Fiskistofu

» Fleiri tengdar fréttir

• 1 blogg um fréttina

Bloggað um fréttina

• Jóhannes Laxdal Baldvinsson: Fiskmarkaðir svindla líka