Mjög dregið úr brottkasti

Þorgerður Katrín Gunnarsdóttir.
Þorgerður Katrín Gunnarsdóttir. mbl.is/Golli

Mjög hefur dregið úr brottkasti á liðnum árum segir Þorgerður Katrín Gunnarsdóttir, sjávarútvegs- og landbúnaðarráðherra, á Facebook-síðu sinni. Vísar hún þar til funda sem hún hefur átt í kjölfar umfjöllunar fréttaskýringaþáttarins Kveiks um brottkast og vigtunarmál með ráðuneytisstarfsmönnum, forstjóra Hafrannsóknastofnunar og Fiskistofu þar sem fram hafi komið að allar rannsóknir bentu til þess að dregið hafi mjög úr.

Hins vegar þurfi vigtunarmálin skoðunar. Þorgerður segist ennfremur hafa fundað með fulltrúum Samtaka fyrirtækja í sjávarútvegi (SFS), Sjómannasambands Íslands og Landssambands smábátasjómanna. „Niðurstaðan af þeim samtölum var á svipaða leið hvað varðar brottkastið, allir gangast við því að brottkast eigi sér stað en það sé í mjög litlum mæli miðað við fyrri tíð.“ Deildar meiningar hafi hins vegar um vigtunarmálið.

„Hvað vigtunarmálin varðar greindi hinsvegar hagsmunaaðilunum talsvert á um hvaða leið sé best og sanngjarnast að fara. Allir voru sammála um að mikilvægast sé að tryggja gæði aflans með réttri kælingu miðað við aðstæður en ljóst er að talsverðar tortryggni gæti á meðal sjómanna um vigtunarmálin, ekki síst þegar um ræðir endurvigtunina,“ segir ráðherrann. Rætt hafi verið m.a. um strangari viðurlög og auknar heimildir Fiskistofu. Þá hafi verið talað um starfsöryggi sjómanna sem vilji tilkynna um brot.

„Ráðuneytið mun nú skoða þess mál nánar í samstarfi við okkar undirstofnanir. Mestu máli skiptir þó að útgerðin axli ábyrgð á málum sem þessum og umgangist sameiginlega auðlind þjóðarinnar af ábyrgð og virðingu. Það er krafa uppi í samfélaginu um að þessi mál séu tekin föstum tökum og umræðan má aldrei beinast að að sendiboðunum heldur sökudólgunum sjálfum. Þeir eru blessunarlega lítill hluti kerfisins en eins og annars staðar þá skemma svörtu sauðirnir fyrir heildinni og í þeim efnum er ímynd landsins sem ábyrg fiskveiðiþjóð undir.“

mbl.is

Bloggað um fréttina

Afurð Dags. Meðalverð
Þorskur, óslægður 13.7.18 232,72 kr/kg
Þorskur, slægður 13.7.18 242,74 kr/kg
Ýsa, óslægð 13.7.18 264,70 kr/kg
Ýsa, slægð 13.7.18 226,95 kr/kg
Ufsi, óslægður 13.7.18 45,51 kr/kg
Ufsi, slægður 13.7.18 86,06 kr/kg
Djúpkarfi 28.6.18 87,90 kr/kg
Gullkarfi 13.7.18 301,53 kr/kg
Litli karfi 28.6.18 45,00 kr/kg
Blálanga, óslægð 13.7.18 243,28 kr/kg

Fleiri tegundir »

15.7.18 Ebbi AK-037 Plógur
Sæbjúga /Hraunpussa 2.535 kg
Samtals 2.535 kg
15.7.18 Emilý SU-157 Handfæri
Þorskur 403 kg
Ufsi 235 kg
Samtals 638 kg
15.7.18 Magga SU-026 Handfæri
Þorskur 1.516 kg
Ufsi 194 kg
Samtals 1.710 kg
15.7.18 Gestur SU-159 Handfæri
Þorskur 1.188 kg
Ufsi 310 kg
Samtals 1.498 kg
15.7.18 Ás SH-130 Grásleppunet
Grásleppa 1.205 kg
Samtals 1.205 kg

Skoða allar landanir »