Þorskveiði ekki slakari í tíu ár

Að störfum um borð í Engey, togara HB Granda.
Að störfum um borð í Engey, togara HB Granda. Ljósmynd/Þröstur Njálsson

Þorskveiði togara HB Granda hefur verið slök í haust og það sem af er vetri, eða fram að síðustu helgi þegar skipin fengu mjög góðan þorskafla. Fara þarf tíu ár aftur í tímann, eða aftur til þess tíma þegar þorskkvótinn var skertur verulega, til að finna dæmi um jafn slaka þorskveiði á þessum tíma árs.

Mokafli hjá þrjátíu togurum

Þetta segir Birkir Hrannar Hjálmarsson, útgerðarstjóri ísfisktogara HB Granda, en fjallað er um þetta á vef útgerðarinnar.

Segir þar að vert sé að hafa í huga að eftir eigi að koma í ljós hvort það skot, sem kom í þorskveiðina síðastliðinn laugardag á Vestfjarðamiðum, bendi til aukinnar veiði næstu vikurnar.

„Þetta er lang­besta veiðin sem feng­ist hef­ur frá því í sum­ar og það er ekki laust við að ákveðin fortíðarþrá hafi gert vart við sig því þarna voru ein­ir þrjá­tíu tog­ar­ar að veiðum og það var mokafli hjá þeim öll­um,“ sagði Heimir Guðbjörns­son, skip­stjóri á Helgu Maríu AK, í gær.

Ef til vill bara orðinn góðu vanur

Að sögn Birkis Hrannars er þó ljóst að haustveiði á þorski hefur verið mun dræmari í ár og í fyrra en í mörg ár þar á undan. Hann segir að undanfarnar vikur hafi verið dræmar fyrir vestan og í fleiri skipti en færri hafi skipin ekki náð þeim þorski sem þeim hafi verið ætlaður. Besta veiðin hafi verið yfir nóttina og jafnvel þá hafi komið fyrir að skipin hafi ekki náð tonni á togtímann.

„Líklega hefur bolfiskveiðin frá 2009 til 2015 verið heilt yfir mjög góð, þ.e.a.s. í þorski, ufsa og karfa. Þá þótti gott ef t.d. Sturlaugur H. Böðvarsson AK kom með 60-65 tonn af tveggja kílóa þorski og lítið með því eftir 5 daga á Vestfjarðamiðum. Hér áður fyrr var þorskveiðin svona og e.t.v. var maður bara orðinn góðu vanur,“ segir Birkir Hrannar Hjálmarsson.

mbl.is
Afurð Dags. Meðalverð
Þorskur, óslægður 13.11.18 310,55 kr/kg
Þorskur, slægður 13.11.18 351,91 kr/kg
Ýsa, óslægð 13.11.18 272,18 kr/kg
Ýsa, slægð 13.11.18 283,75 kr/kg
Ufsi, óslægður 13.11.18 127,14 kr/kg
Ufsi, slægður 13.11.18 140,33 kr/kg
Djúpkarfi 12.11.18 246,54 kr/kg
Gullkarfi 13.11.18 299,79 kr/kg
Litli karfi 24.10.18 17,00 kr/kg
Blálanga, óslægð 13.11.18 224,56 kr/kg

Fleiri tegundir »

14.11.18 Halldór NS-302 Lína
Þorskur 235 kg
Ýsa 214 kg
Keila 61 kg
Karfi / Gullkarfi 55 kg
Hlýri 24 kg
Samtals 589 kg
14.11.18 Öðlingur SU-019 Línutrekt
Þorskur 5.592 kg
Ýsa 430 kg
Langa 78 kg
Ufsi 43 kg
Steinbítur 12 kg
Keila 3 kg
Samtals 6.158 kg
14.11.18 Sunnutindur SU-095 Línutrekt
Þorskur 7.228 kg
Ýsa 804 kg
Ufsi 37 kg
Keila 32 kg
Steinbítur 26 kg
Langa 26 kg
Samtals 8.153 kg

Skoða allar landanir »