Lönduðu fjögur þúsund tonnum af kolmunna

Venus NS og Víkingur AK við bryggju.
Venus NS og Víkingur AK við bryggju. mbl.is/Kristján Maack

„Við höfum verið að veiðum í færeysku lögsögunni og aflinn hefur verið upp og ofan. Kolmunninn er nokkuð dreifður og maður þarf að toga lengi í senn, upp í um 20 tíma, til að fá góðan afla,“ segir Róbert Axelsson, skipstjóri á Venusi NS sem kom til hafnar á Vopnafirði í gærkvöldi með um 2.200 tonn af kolmunna.

Fram kemur á vef HB Granda að nóg verði að gera hjá starfsmönnum fiskimjölsverksmiðju útgerðarinnar á Vopnafirði næstu daga, þar sem um 4.000 tonn af kolmunna hafi borist þangað til vinnslu í gær.

Víkingur AK kom þar til hafnar í gærmorgun og var áætlaður afli hans um 1.800 tonn af kolmunna.

„Stærstu holin okkar hafa verið um 400 tonn og skarpasta veiðin hefur verið eftir að skyggja tekur. Aflinn hefur verið bestur á kvöldin og á nóttunni en lítill yfir daginn,“ er haft eftir Róberti á vef útgerðarinnar.

Að hans sögn hefur ekki verið mikið af íslenskum skipum á veiðisvæðinu. Þar er hins vegar töluvert um færeysk og hollensk skip.

mbl.is
Afurð Dags. Meðalverð
Gellur 6.12.17 706,00 kr/kg
Þorskur, óslægður 18.2.18 221,49 kr/kg
Þorskur, slægður 18.2.18 262,61 kr/kg
Ýsa, óslægð 18.2.18 231,51 kr/kg
Ýsa, slægð 18.2.18 203,20 kr/kg
Ufsi, óslægður 18.2.18 60,74 kr/kg
Ufsi, slægður 18.2.18 115,92 kr/kg
Djúpkarfi 7.2.18 104,00 kr/kg
Gullkarfi 18.2.18 171,57 kr/kg
Litli karfi 14.2.18 18,00 kr/kg

Fleiri tegundir »

19.2.18 Björgvin EA-311 Botnvarpa
Karfi / Gullkarfi 1.162 kg
Samtals 1.162 kg
18.2.18 Sigrún EA-052 Handfæri
Þorskur 890 kg
Samtals 890 kg
18.2.18 Þorleifur EA-088 Þorskfisknet
Þorskur 23.015 kg
Ufsi 679 kg
Ýsa 307 kg
Karfi / Gullkarfi 192 kg
Hlýri 26 kg
Samtals 24.219 kg
18.2.18 Öðlingur SU-019 Línutrekt
Ýsa 4.154 kg
Þorskur 3.143 kg
Steinbítur 833 kg
Langa 68 kg
Samtals 8.198 kg

Skoða allar landanir »