Fyrsta fiskiskipið til að hafa rafmótor

Stormur HF sigldi inn í Reykjavíkurhöfn í gær.
Stormur HF sigldi inn í Reykjavíkurhöfn í gær. mbl.is/Hari

Stormur HF 294, nýtt línu- og netaskip útgerðarinnar Storms Seafood sem sigldi til Reykjavíkurhafnar í gær, er fyrsta fiskiskipið á Íslandi sem drifið er af rafmótor og sömuleiðis fyrsta nýsmíði í línuskipaflota landsmanna í 16 ár.

Eins og Morgunblaðið greinir frá í dag kemur skipið hingað frá Gdansk í Póllandi, þar sem skrokk­ur­inn var lengd­ur úr 23 í 45 metra en út­gerðin keypti skrokk­inn í Ný­fundna­landi fyr­ir nokkr­um árum.

Ljóst er að rafbúnaður skipsins mun minnka umhverfisáhrif og auka hagkvæmni við veiðar.

Marki tímamót í íslenskum sjávarútvegi

Steindór Sigurgeirsson, aðaleigandi Storms Seafood, segir í samtali við 200 mílur að skipið sé „dísil-rafknúið“ (e. diesel-electric) þar sem skrúfubúnaðurinn sé knúinn af rafmótor.

„Orkan er fengin með dísil-eldsneyti, sem drífur rafmótorinn,“ segir Steindór og bætir við að hann telji að með þessu sé orkunotkun helmingi minni en hjá sambærilegu skipi.

„Mikilvægt er að fleiri aðilar í sjávarútveginum líti til kaupa á skipum líkt og Stormi sem er afar umhverfisvænn og gengur fyrir rafmótor. Eldsneytisnotkun á sambærilegum skipum er afar mikil og þarf geirinn í heild að huga betur að loftslagsmálum,“ segir Steindór.

„Hagkvæmni við veiðar eykst einnig við komu skipsins en það er búið nýjustu gerð línubeitingarvélar sem tekur mun meira en sambærileg skip hér á landi. Það má því segja að koma skipsins marki tímamót í íslenskum sjávarútvegi.“

mbl.is
Afurð Dags. Meðalverð
Þorskur, óslægður 17.4.19 355,41 kr/kg
Þorskur, slægður 17.4.19 380,86 kr/kg
Ýsa, óslægð 17.4.19 354,23 kr/kg
Ýsa, slægð 17.4.19 291,79 kr/kg
Ufsi, óslægður 17.4.19 91,66 kr/kg
Ufsi, slægður 17.4.19 125,76 kr/kg
Djúpkarfi 9.4.19 224,97 kr/kg
Gullkarfi 17.4.19 208,01 kr/kg
Litli karfi 4.4.19 0,00 kr/kg
Blálanga, óslægð 12.4.19 10,00 kr/kg

Fleiri tegundir »

22.4.19 Hólmi ÞH-056 Grásleppunet
Grásleppa 1.464 kg
Samtals 1.464 kg
22.4.19 Edda SI-200 Grásleppunet
Grásleppa 791 kg
Þorskur 98 kg
Steinbítur 31 kg
Rauðmagi 6 kg
Samtals 926 kg
22.4.19 Már HU-545 Grásleppunet
Grásleppa 943 kg
Þorskur 103 kg
Skarkoli 28 kg
Rauðmagi 4 kg
Samtals 1.078 kg
22.4.19 Dagur SI-100 Grásleppunet
Grásleppa 829 kg
Skarkoli 14 kg
Þorskur 10 kg
Rauðmagi 2 kg
Samtals 855 kg

Skoða allar landanir »