Óskar eftir fundi um viðræður við Færeyjar
Setja bókamerki
Miðflokkurinn hefur óskað eftir fundi í atvinnuveganefnd Alþingis vegna stöðu samninga Íslands og Færeyja um gagnkvæmar fiskveiðiheimildir. Þetta kemur fram í tilkynningu frá flokknum.
Segir í henni að Sigurður Páll Jónsson, þingmaður flokksins, hafi óskað eftir fundinum hið fyrsta. Þess er enn fremur óskað að fulltrúar utanríkis- og sjávarútvegsráðuneytis komi til fundarins auk hagsmunaaðila til að upplýsa um stöðuna og mikilvægi þess að samningar náist.
„Núgildandi samningur Íslands og Færeyja rennur að óbreyttu út um næstkomandi áramót og niðurstaða hefur enn ekki fengist í viðræðurnar. Náist samningar ekki fyrir þann tíma eru líkur á að Íslendingar hljóti ekki veiðiheimildir á uppsjávarfiski í færeyskri lögsögu,“ segir í tilkynningunni.
Lítið hefur miðað í viðræðunum undanfarnar vikur en samkvæmt heimildum Morgunblaðsins hafa Færeyingar farið fram á umtalsverða aukningu veiðiheimilda í íslenskri lögsögu.
Árshátíð ríkislögreglustjóra haldin í Tékklandi
„Það þarf að vinna mikinn fjölda upp“
„Höfum ekki náð að skríða upp úr þeirri gryfju“
Banna mengandi búnað sem leyfður er á Íslandi
Væri að ljúga ef ég segðist ekki stressaður
Telur forsendur fyrir vaxtalækkun
Sex hafa greinst með listeríu