Þegar kveðið á um afslátt til minni útgerða

Ríkisstjórnin hyggst taka veiðigjaldið til skoðunar.
Ríkisstjórnin hyggst taka veiðigjaldið til skoðunar. mbl.is/Eggert

Umræða um veiðigjald undanfarin misseri hefur oftar en ekki beinst að minni og meðalstórum fyrirtækjum og möguleikanum á að þau greiði lægra gjald.

„Raunin er hins vegar sú að 90% af útgerðum, eða alls um 882 útgerðir, greiða nú þegar hlutfallslega lægra gjald en þau 10% sem eftir standa,“ segir Hallveig Ólafsdóttir, hagfræðingur Samtaka fyrirtækja í sjávarútvegi.

„Í lögum um veiðigjald er kveðið á um að veita skuli 20% afslátt af fyrstu 4,5 milljónum króna álagðs veiðigjalds og 15% afslátt af næstu 4,5 milljónum. Ljóst er því að í núverandi lögum er nú þegar tekið tillit til smærri aðila,“ segir hún.

Veiðigjaldið tekið til endurskoðunar

Fram kom í Morgunblaðinu rétt eftir áramót að ríkisstjórnin ætlaði að taka veiðigjaldið til endurskoðunar á árinu með það að markmiði að lækka gjöldin á lítil og meðalstór sjávarútvegsfyrirtæki og afkomutengja þau.

„Við horfum til litlu og meðalstóru fyrirtækjanna sem ráða ekki við þá miklu hækkun sem varð á veiðigjaldinu 1. september á síðasta ári. Sú hækkun var mjög mikil, frá 200 prósentum og yfir 300 prósenta hækkun hjá sumum. Það er farin af stað vinna í ráðuneytinu við að skoða þetta. Sú vinna á að ganga hratt fyrir sig,“ sagði Lilja Rafney Magnúsdóttir, formaður atvinnuveganefndar, í samtali við blaðið.

Hallveig segir að hvergi liggi fyrir skilgreining stjórnvalda á því hvað eru minni og meðalstórar útgerðir. „Ef hins vegar er horft til alþjóðlegs samhengis þá eru öll íslensk sjávarútvegsfyrirtæki lítil.“

Nánar var fjallað um málið í ViðskiptaMogganum sem fylgdi Morgunblaðinu í gær, fimmtudag.

Afurð Dags. Meðalverð
Þorskur, óslægður 17.7.18 213,40 kr/kg
Þorskur, slægður 17.7.18 291,91 kr/kg
Ýsa, óslægð 17.7.18 244,53 kr/kg
Ýsa, slægð 17.7.18 149,20 kr/kg
Ufsi, óslægður 17.7.18 54,45 kr/kg
Ufsi, slægður 17.7.18 70,99 kr/kg
Djúpkarfi 28.6.18 87,90 kr/kg
Gullkarfi 17.7.18 157,58 kr/kg
Litli karfi 28.6.18 45,00 kr/kg
Blálanga, óslægð 17.7.18 302,00 kr/kg

Fleiri tegundir »

18.7.18 Egill ÍS-077 Dragnót
Steinbítur 9.974 kg
Ýsa 192 kg
Samtals 10.166 kg
17.7.18 Fanney EA-082 Handfæri
Þorskur 775 kg
Samtals 775 kg
17.7.18 Sigrún EA-052 Handfæri
Þorskur 781 kg
Samtals 781 kg
17.7.18 Anna EA-121 Handfæri
Þorskur 768 kg
Samtals 768 kg
17.7.18 Fannar EA-029 Handfæri
Þorskur 724 kg
Karfi / Gullkarfi 32 kg
Samtals 756 kg

Skoða allar landanir »