Fresturinn framlengdur um tvær vikur

Frestur til að senda inn tillögu í samkeppni um nýtt útilistaverk á austurgafli Sjávarútvegshússins við Skúlagötu 4 hefur verið framlengdur um tvær vikur, eða til fimmtudagsins 1. febrúar. Fresturinn átti að renna út klukkan 16 í dag.

Þetta kemur fram í tilkynningu frá atvinnuvega- og nýsköpunarráðuneytinu, en ekki kemur fram hvað veldur því að fresturinn sé framlengdur.

Greint var frá samkeppninni á 200 mílum í nóvember á síðasta ári, en meðal skilyrða keppninnar er að verkið skuli hafa skírskotun í sögu sjávarútvegs á Íslandi.

„Höfundum er frjálst að velja þá efnisútfærslu sem þeir telja henta hugmynd sinni best, en verkið skal hafa endingu í að minnsta kosti þrjú ár. Mikilvægt er að verkið taki tillit til umhverfisins, falli vel að svæðinu og þoli íslenska veðráttu,“ segir í tilkynningu ráðuneytisins.

Frétt af mbl.is

Auglýsa eftir verki í stað sjómannsins

• Blogga um frétt