Minntust hamfaranna fyrir hálfri öld

Fjölmennt var í þyrluskýli varðskipsins meðan á athöfninni stóð
Fjölmennt var í þyrluskýli varðskipsins meðan á athöfninni stóð mbl.is/Kristinn Magnússon

Segja má að það hafi verið hamfarir fyrir réttum fimmtíu árum, þegar fjöldi sjómanna fórst í Ísafjarðardjúpi í byrjun febrúar árið 1968. Var af þessu tilefni haldin athöfn á mánudag, um borð í varðskipinu Óðni, til minningar um þá sem týndu lífi þennan örlagaríka sólarhring og jafnframt til að minnast þess björgunarafreks sem áhöfnin á Óðni vann.

Michael Nevin, sendiherra Bretlands á Íslandi, ávarpaði viðstadda.
Michael Nevin, sendiherra Bretlands á Íslandi, ávarpaði viðstadda. mbl.is/Kristinn Magnússon

Sex manna áhöfn Heiðrúnar II frá Bolungarvík var á meðal þeirra sem fórust, auk 19 manna áhafnar breska togarans Ross Cleveland, en einn skipverja togarans, Harry Eddom, bjargaðist við illan leik. Sama dag strandaði breski togarinn Notts County á Snæfjallaströnd, en áhöfn Óðins vann hetjudáð þegar hún bjargaði skipverjum hans. Einn þeirra var þegar látinn er Óðinn komst á slysstað.

Sögufrægur. Óðinn liggur við festar við Sjóminjasafnið í Reykjavík
Sögufrægur. Óðinn liggur við festar við Sjóminjasafnið í Reykjavík mbl.is/Kristinn Magnússon
Michael Nevin sendiherra heiðraði Sigurð Þ. Árnason skipherra.
Michael Nevin sendiherra heiðraði Sigurð Þ. Árnason skipherra. mbl.is/Kristinn Magnússon

Minningarathöfnin fór fram í þyrluskýli Óðins og fór sr. Sveinn Valgeirsson dómkirkjuprestur með minningarorð um þá sem fórust. Michael Nevin, sendiherra Breta á Íslandi, ávarpaði í kjölfarið þann fjölda sem þarna kom saman og heiðraði um leið Sigurð Þ. Árnason, sem var skipherra Óðins í þessari ferð. Fyrir tilstilli áhafnar hans var 18 mannslífum bjargað þennan dag.

Í kjölfarið var boðið upp á kaffiveitingar í messa skipsins en þar fjallaði Gylfi Geirsson, formaður öldungaráðs Landhelgisgæslunnar og fyrrverandi starfsmaður hennar, um björgunarafrekið sem áhöfn Óðins vann.

200 mílur, 48 síðna sérblað, fylgdi Morgunblaðinu í dag.
200 mílur, 48 síðna sérblað, fylgdi Morgunblaðinu í dag.

Ýtarlega er fjallað um þessa atburði í 200 mílum - 48 síðna sérblaði, sem fylgdi Morgunblaðinu í dag. Fjölmargar og ólíkar sögur urðu til þessa örlagaríku daga, hvort sem um ræðir skipherra um borð í varðskipinu Óðni, 19 ára vélstjóra í siglingu upp á líf og dauða, eða ungan Breta sem á ótrúlegan hátt kemst lífs af eftir að togari hans sekkur í hríðarbyl.

Afurð Dags. Meðalverð
Þorskur, óslægður 17.8.18 219,56 kr/kg
Þorskur, slægður 17.8.18 283,20 kr/kg
Ýsa, óslægð 17.8.18 211,05 kr/kg
Ýsa, slægð 17.8.18 182,13 kr/kg
Ufsi, óslægður 17.8.18 54,30 kr/kg
Ufsi, slægður 17.8.18 100,09 kr/kg
Djúpkarfi 28.6.18 87,90 kr/kg
Gullkarfi 17.8.18 161,09 kr/kg
Litli karfi 28.6.18 45,00 kr/kg
Blálanga, óslægð 17.8.18 235,00 kr/kg

Fleiri tegundir »

20.8.18 Auðbjörg NS-200 Handfæri
Þorskur 804 kg
Samtals 804 kg
20.8.18 Óskar ÞH-234 Handfæri
Þorskur 591 kg
Samtals 591 kg
20.8.18 Öðlingur SU-019 Línutrekt
Þorskur 4.225 kg
Ýsa 406 kg
Ufsi 77 kg
Steinbítur 26 kg
Karfi / Gullkarfi 12 kg
Samtals 4.746 kg
20.8.18 Manni ÞH-088 Handfæri
Þorskur 818 kg
Samtals 818 kg
20.8.18 Óskar SK-013 Handfæri
Þorskur 1.410 kg
Karfi / Gullkarfi 23 kg
Samtals 1.433 kg

Skoða allar landanir »