Örfirisey vélarvana í Barentshafi

Bilun varð í aðalvél frystitogarans Örfiriseyjar RE í gærkvöldi, er skipið var að veiðum í norsku lögsögunni í Barentshafi. Vegna bilunarinnar er skipið vélarvana.

Þetta kemur fram í tilkynningu frá HB Granda, sem gerir út skipið. Segir í henni að samið hafi verið við norsku strandgæsluna um að draga skipið til hafnar í Tromsø.

Að sögn Guðmundar Herberts Bjarnasonar hjá skipaeftirliti HB Granda varð bilunin um 60 sjómílur norður af Honningsvaag og tengist knastás aðalvélarinnar. Gott veður er sagt vera á svæðinu og engin hætta á ferðum.

„Skipin eru væntanleg til Tromsø á mánudagsmorgun,“ segir Guðmundur og bætir við að tjónið tengist á engan hátt fyrri bilun sem varð í skrúfubúnaði skipsins í lok október á síðasta ári.

Frétt af mbl.is

Þurfti að smíða nýjan varahlut

• Blogga um frétt