Vill stjórnsýsluúttekt á eftirliti MAST með sjókvíaeldi á laxi

Landssamband veiðifélaga krefur Kristján Þór Júlíusson sjávarútvegsráðherra svara um það ...
Landssamband veiðifélaga krefur Kristján Þór Júlíusson sjávarútvegsráðherra svara um það hvernig ráðuneytið ætli að bregðast við þeirri stöðu sem sé komin upp. mbl.is/Kristinn Magnússon

Landssamband veiðifélaga hefur skrifað Kristjáni Þór Júlíussyni sjávarútvegsráðherra bréf þar sem þess er krafist að fram fari stjórnsýsluúttekt á eftirliti Matvælastofnunar með sjókvíaeldi á laxi.

Í bréfinu er vísað til þess að í fjölmiðlum hefur verið greint frá því að í óveðri að undanförnu hafi búnaður fiskeldisfyrirtækisins Arnarlax orðið fyrir skemmdum og sjókví hafi laskast í Tálknafirði með þeim afleiðingum að flothæfni var ekki lengur til staðar. Einnig hafi komið rifa eða gat á nót í kví fyrirtækisins í Arnarfirði.

Þá liggi fyrir að átta dögum síðar hafi eftirlitsmaður ekki enn verið sendur á staðinn til að taka út mannvirki og búnað fyrirtækisins, að því er fram kemur í tilkynningu frá félaginu.

Þá gerir landssambandið einnig alvarlegar athugasemdir við að opinberir eftirlitsaðilar birti ekki upplýsingar um málið sem virðist hafa átt að fara leynt.

„Landssambandið krefur ráðherra svara um hvernig ráðuneytið ætlar að bregðast við þeirri stöðu sem upp er komin þar sem ljóst sé að eftirlit með starfseminni er í skötulíki.  Þá fer Landssambandið fram á að sjávarútvegs- og landbúnaðarráðuneytið áminni Matvælastofnun og Fiskistofu um að miðla upplýsingum um óhöpp í sjókvíaeldi sem erindi eiga við hagsmunaaðila og almenning, líkt og á sér stað við aðra mengandi stóriðju sem náttúru landsins getur stafað hætta af,“ segir í tilkynningu.

mbl.is
Afurð Dags. Meðalverð
Þorskur, óslægður 12.12.18 347,83 kr/kg
Þorskur, slægður 12.12.18 389,26 kr/kg
Ýsa, óslægð 12.12.18 290,75 kr/kg
Ýsa, slægð 12.12.18 282,21 kr/kg
Ufsi, óslægður 11.12.18 123,57 kr/kg
Ufsi, slægður 12.12.18 110,03 kr/kg
Djúpkarfi 6.12.18 307,00 kr/kg
Gullkarfi 12.12.18 270,75 kr/kg
Litli karfi 24.10.18 17,00 kr/kg
Blálanga, óslægð 10.12.18 192,80 kr/kg

Fleiri tegundir »

13.12.18 Gulltoppur Ii EA-229 Landbeitt lína
Ýsa 791 kg
Þorskur 321 kg
Samtals 1.112 kg
13.12.18 Dögg EA-236 Línutrekt
Ýsa 240 kg
Þorskur 46 kg
Samtals 286 kg
13.12.18 Gunnar Níelsson EA-555 Landbeitt lína
Ýsa 355 kg
Þorskur 98 kg
Samtals 453 kg
13.12.18 Vésteinn GK-088 Lína
Þorskur 81 kg
Langa 71 kg
Keila 31 kg
Ufsi 11 kg
Karfi / Gullkarfi 6 kg
Samtals 200 kg

Skoða allar landanir »