Seldu nýjan bát til Rýgjafylkis

Bátasmiðjan Trefjar í Hafnarfirði hefur afhent tvo nýsmíðaða báta til útgerða undanfarnar vikur. Fór sá fyrri til eyjarinnar Ombo í Rýgjafylki í Noregi, nærri Stafangri.

Kaupandi bátsins mun vera Odd-Cato Larsen nokkur, og verður hann jafnframt skipstjóri á bátnum sem hlotið hefur nafnið Prince. Mælist hann fjórtán brúttótonn og er af gerðinni Cleopatra 36.

Fram kemur í tilkynningu frá Trefjum að aðalvél bátsins sé 650 hestafla, af gerðinni FPT C13, og tengd ZF V-gír.

Báturinn verður gerður út frá eyjunni Ombo. Kort/Google

Báturinn mun þá vera útbúinn fullkomnum siglingatækjum af gerðinni JRC og sömuleiðis tveimur vökvadrifnum hliðarskrúfum sem tengdar eru sjálfstýringu bátsins.

Er hann útbúinn til netaveiða og kemur veiðibúnaðurinn frá Noregi en öryggisbúnaðurinn er frá Viking.

Enn fremur er tekið fram að rými sé fyrir samtals 15 380 lítra kör í lestinni. Fullkomin eldunaraðstaða auk borðsals sé staðsett í brúnni og svefnpláss fyrir þrjá í lúkar, auk salernis með sturtu. Hefur báturinn þegar hafið veiðar.

• Blogga um frétt