„Við rétt sluppum inn“

Loðna um borð í Víkingi AK.
Loðna um borð í Víkingi AK. mbl.is/Jón Sigurðarson

„Við rétt sluppum inn áður en snælduvitlaust veður skall á. Við hefðum ekki mátt vera seinna á ferðinni því þá hefðum við ekki komist inn í höfnina,” segir Albert Sveinsson, skipstjóri á Víkingi AK, en skipið kom til hafnar á Vopnafirði upp úr hádegi á miðvikudag með um 900 tonn af loðnu.

Segir Albert aflann hafa fengist í þremur köstum úti af Skarðsfjöruvita í Meðallandsbugt.

„Við fórum frá Akranesi laust fyrir kvöldmatarleytið á mánudag og ég átti allt eins von á því að það yrði haugabræla allan túrinn. Veðrið var þó ekki sérstaklega slæmt inni á Meðallandsbugtinni. Vissulega var dálítil kvika en hún olli engum vandræðum. Óveðurslægðin var svo að ná okkur en sem betur fer náðum við innsiglingunni áður en veðrið náði hingað austur.”

Haft er eftir Alberti á vef HB Granda að þó nokkuð magn af loðnu hafi verið í Meðallandsbugtinni.

„Það er víða loðna á svæðinu en hún var hins vegar ekki í þykkum torfum. Við köstuðum þrisvar og loðnan var alveg uppi í yfirborðinu og niður á um fimm faðma dýpi. Þarna var botndýpið um 40 til 50 faðmar,” segir Albert en samkvæmt sýnum sem tekin voru úr aflanum er hrognafylling loðnunnar 16-18%. Aflinn fer til frystingar á Vopnafirði.

„Það eru nokkrir dagar í að hrognafylling þessarar loðnu gefi tilefni til hrognaskurðar og frystingar á hrognum. Það er hins vegar loðna fyrir vestan sem er með mun meiri hrognafyllingu en þar sem hún heldur sig er búið að vera snarvitlaust veður marga undanfarna daga og það hefur því verið ómögulegt að stunda þar veiðar.”

mbl.is
Afurð Dags. Meðalverð
Þorskur, óslægður 15.6.18 216,44 kr/kg
Þorskur, slægður 15.6.18 255,89 kr/kg
Ýsa, óslægð 15.6.18 348,37 kr/kg
Ýsa, slægð 15.6.18 251,15 kr/kg
Ufsi, óslægður 15.6.18 80,99 kr/kg
Ufsi, slægður 15.6.18 116,81 kr/kg
Djúpkarfi 15.5.18 33,00 kr/kg
Gullkarfi 15.6.18 165,96 kr/kg
Litli karfi 11.6.18 5,00 kr/kg
Blálanga, óslægð 15.6.18 219,00 kr/kg

Fleiri tegundir »

17.6.18 Konráð EA-090 Línutrekt
Þorskur 2.040 kg
Samtals 2.040 kg
17.6.18 Friðborg SH-161 Grásleppunet
Grásleppa 2.128 kg
Samtals 2.128 kg
17.6.18 Sunna Rós SH-123 Grásleppunet
Grásleppa 2.590 kg
Samtals 2.590 kg
17.6.18 María SH-014 Grásleppunet
Grásleppa 2.012 kg
Samtals 2.012 kg
17.6.18 Katrín GK-266 Landbeitt lína
Ýsa 318 kg
Þorskur 151 kg
Hlýri 65 kg
Karfi / Gullkarfi 21 kg
Keila 8 kg
Náskata 6 kg
Samtals 569 kg

Skoða allar landanir »