453 milljóna gjaldþrot fiskþurrkunar

Skiptum á búi einkahlutafélagsins United Producers er lokið og var niðurstaðan sú að engar eignir fundust upp í lýstar kröfur sem námu 453 milljónum króna. 

Þetta kemur fram í auglýsingu í Lögbirtingarblaðinu. Félagið var stofnað í tengslum við samninga Íslensku umboðssölunnar við Dróma. 

Frétt af mbl.is

338 milljóna gjaldþrot hjá Íslensku umboðssölunni

„Íslenska umboðssalan lenti í Dróma og til þess að reyna að ná samningum var stofnað nýtt fyrirtæki. Hluti af eignum Íslensku umboðssölunnar voru fluttar yfir á þessa kennitölu,“ segir Birgir S. Bjarnason, fyrrverandi stjórnarformaður félagsins. 

Samningar við Dróma náðust ekki. Birgir segir að um sé að ræða skuldbindingar sem hafi tengst tveimur verksmiðjum erlendis, einni í Bretlandi og annarri í Kanada. Þar fór fram fiskþurrkun fyrir Nígeríumarkað. 

„Þær fóru í þrot þegar hrun olíuverðs dró Nígeríumarkaðinn niður með sér.“

• Blogga um frétt