Á leið til hafnar með tvö þúsund tonn

Börkur á loðnuveiðum.
Börkur á loðnuveiðum. Ljósmynd/Stefán Pétur Hauksson

„Við fengum þennan afla í sjö köstum á tveimur dögum. Fyrri daginn vorum við á miðjum Faxaflóa en í gær vorum við um 10 mílur út af Snæfellsnesi. Út af nesinu var ein góð torfa sem megnið af flotanum var í og var hún nánast veidd upp. Það er víða loðnu að sjá en það er eins og hún hafi lítið skilað sér inn á Faxaflóann.“

Þetta segir Hjörvar Hjálmarsson, skipstjóri á Berki NK, sem er á leið til Neskaupstaðar með tvö þúsund tonn af loðnu. Búist er við að skipið komi til hafnar klukkan eitt í nótt og mun þá um leið hefjast hrognavinnsla hjá Síldarvinnslunni.

„Auðvitað er alltaf beðið eftir fréttum af vestangöngu. Undanfarin ár hefur komið góð gusa að vestan en þá hafa skipin oft verið búin með kvótann. Í loðnunni sem við erum með núna er hrognafyllingin á milli 26 og 27% og hrognaþroskinn 95-100%. Þetta ætti að henta vel í hrognavinnsluna,“ er haft eftir Hjörvari á vef Síldarvinnslunnar.

Hrognavinnsla hafin í Helguvík

Fram kemur einnig að hrognavinnsla hafi hafist í Helguvík í nótt, þegar Vilhelm Þorsteinsson EA kom þangað með 1.500 tonn af loðnu sem fengust í Faxaflóa og út af Snæfellsnesi. Hrognin eru unnin í samvinnu við Saltver ehf. í Reykjanesbæ en loðnan er kúttuð og hreinsuð í Helguvík og fryst í húsnæði Saltvers í Njarðvík. 

Að sögn Eggerts Ólafs Einarssonar, verksmiðjustjóra í Helguvík, fer hrognavinnslan rólega af stað að venju en í morgun var allt farið að snúast þokkalega að hans sögn.

Alls eru rúmlega 4.000 tonn af loðnu komin á land í Helguvík á vertíðinni að meðtöldum þeim afla sem nú er verið að landa úr Vilhelm Þorsteinssyni. Grænlenska loðnuskipið Polar Amaroq landaði þar 900 tonnum í gær.

mbl.is
Afurð Dags. Meðalverð
Þorskur, óslægður 14.12.18 264,43 kr/kg
Þorskur, slægður 14.12.18 336,44 kr/kg
Ýsa, óslægð 14.12.18 229,02 kr/kg
Ýsa, slægð 14.12.18 223,03 kr/kg
Ufsi, óslægður 14.12.18 71,97 kr/kg
Ufsi, slægður 14.12.18 95,86 kr/kg
Djúpkarfi 6.12.18 307,00 kr/kg
Gullkarfi 14.12.18 281,38 kr/kg
Litli karfi 24.10.18 17,00 kr/kg
Blálanga, óslægð 14.12.18 257,33 kr/kg

Fleiri tegundir »

16.12.18 Elva Björg SI-084 Handfæri
Þorskur 143 kg
Samtals 143 kg
16.12.18 Lukka ÓF-057 Landbeitt lína
Ýsa 4.086 kg
Þorskur 1.975 kg
Samtals 6.061 kg
16.12.18 Eiður ÍS-126 Dragnót
Ýsa 6.872 kg
Þorskur 242 kg
Skarkoli 15 kg
Samtals 7.129 kg
15.12.18 Hafrún Ís54 ÍS-054 Lína
Þorskur 1.644 kg
Ýsa 412 kg
Samtals 2.056 kg
15.12.18 Jónína Brynja ÍS-055 Lína
Ýsa 261 kg
Langa 209 kg
Þorskur 149 kg
Ufsi 45 kg
Hlýri 16 kg
Steinbítur 16 kg
Karfi / Gullkarfi 9 kg
Keila 2 kg
Samtals 707 kg

Skoða allar landanir »