ORA tilnefnd til verðlauna í Boston

Rjómakenndu loðnuhrognabitarnir.
Rjómakenndu loðnuhrognabitarnir.

Íslenski matvælaframleiðandinn ORA er tilnefndur til verðlauna á sjávarútvegssýningunni í Boston, sem hefst í dag. Varan sem fyrirtækið er tilnefnt fyrir nefnist „Creamy masago bites“, sem útlagst gæti á íslensku sem rjómakenndir loðnuhrognabitar. Er varan tilnefnd í flokki bestu smásöluvara ársins.

Sjávarútvegssýningin í Boston er stærsta sjávarútvegssýningin í Norður-Ameríku en þangað koma mörg þúsund kaupendur og framleiðendur hvaðanæva úr heiminum, til að kynna vörur sínar og kynnast því nýjasta á markaði sjávarafurða.

Þar kynnir ORA í ár nýja vörulínu sína og vörumerki sitt, Iceland's Finest. Fram kemur í tilkynningu frá fyrirtækinu að mikil vinna hafi verið lögð í uppbyggingu vörumerkja og vöruþróun síðustu misseri.

Jóhannes Egilsson, útflutningsstjóri ORA.
Jóhannes Egilsson, útflutningsstjóri ORA.

Mikil viðurkenning

„Það er mikil viðurkenning að fá tilnefningu sem þessa en það eru einungis tólf vörur sem tilnefndar eru á sýningunni ár hvert,“ segir Jóhannes Egilsson, útflutningsstjóri ORA.

„Þessi tilnefning hjálpar til við að vekja enn meiri eftirtekt á ORA og Iceland's Finest.“

„Creamy Masago Bites“ er ljúffengur og girnilegur forréttur sem tekur innan við 10 mínutur að útbúa. Rétturinn samanstendur af þremur vörum, masago sem unnið er úr hágæða loðnuhrognum frá Ísfélagi Vestmannaeyja, laxamús sem unnin er úr ferskum íslenskum eldislaxi og sesam-brauðkexi. Hrognunum og laxamúsinni er blandað saman með smá dass af íslensku skyri þannig að úr verður rjómakennd masago-laxamús sem síðan er sett ofan á seasam-brauðkex og skreytt með fersku masagoi, dilli og íslensku sjávarsalti.

Rétturinn er afar einfaldur í undirbúningi, lítur girnilega út og er sérlega bragðgóður, segir Jóhannes, fullur tilhlökkunar að kynna Iceland's Finest-vörulínuna í Boston.

mbl.is
Afurð Dags. Meðalverð
Þorskur, óslægður 19.9.18 440,83 kr/kg
Þorskur, slægður 19.9.18 325,00 kr/kg
Ýsa, óslægð 19.9.18 342,50 kr/kg
Ýsa, slægð 19.9.18 306,32 kr/kg
Ufsi, óslægður 19.9.18 97,53 kr/kg
Ufsi, slægður 19.9.18 134,92 kr/kg
Djúpkarfi 28.6.18 87,90 kr/kg
Gullkarfi 19.9.18 179,47 kr/kg
Litli karfi 28.6.18 45,00 kr/kg
Blálanga, óslægð 19.9.18 221,00 kr/kg

Fleiri tegundir »

19.9.18 Sólrún EA-151 Lína
Ýsa 2.039 kg
Þorskur 1.269 kg
Steinbítur 21 kg
Hlýri 15 kg
Samtals 3.344 kg
19.9.18 Hafborg EA-152 Dragnót
Ýsa 2.263 kg
Þorskur 1.630 kg
Skarkoli 120 kg
Karfi / Gullkarfi 95 kg
Steinbítur 26 kg
Ufsi 21 kg
Þykkvalúra / Sólkoli 13 kg
Samtals 4.168 kg
19.9.18 Haförn ÞH-026 Dragnót
Skarkoli 669 kg
Þorskur 411 kg
Steinbítur 60 kg
Ýsa 58 kg
Samtals 1.198 kg

Skoða allar landanir »