„Er eðlileg samkeppni í sjávarútvegi?“

Nýr ráðherra er hvattur til að kynna sér efni álits ...
Nýr ráðherra er hvattur til að kynna sér efni álits Samkeppniseftirlitsins. Ljósmynd/Þröstur Njálsson

Þann 19. nóvember 2012 komst Samkeppniseftirlitið að því að samkeppni í sjávarútvegi væri ekki með eðlilegum hætti. Í það minnsta ekki að öllu leyti. Þetta segir í tilkynningu frá SFÚ, Samtökum fiskframleiðenda og útflytjenda, sem hefur yfirskriftina „Er eðlileg samkeppni í sjávarútvegi?“.

Fjallað er um álit sem Samkeppniseftirlitið birti þann dag, þar sem bent hafi verið á samkeppnishindranir og aðstöðumun milli „lóðrétt samþættra“ útgerðar- og fiskvinnslufyrirtækja annars vegar, og þeirra fyrirtækja sem eingöngu stunda fiskvinnslu eða útgerð hins vegar.

Stofnunin er sögð hafa bent á fjórar leiðir til bóta á þessu ástandi:

  1. Lagasetningu um milliverðlagningu hjá samþættu fyrirtækjunum sem tryggi sjómönnum jöfn kjör og tryggi að laun þeirra séu ekki lægri hjá útgerðum sem einnig vinna afla.

  2. Breytingu hafnargjalda svo að tryggja megi að útgerðir sem einnig vinna afla, greiði ekki lægri hafnargjöld.

  3. Breytingu laga um Verðlagsstofu á þann veg að útgerðarmenn sem einnig eru með vinnslu komi ekki að mótun svokallaðs verðlagsstofuverðs, svo tryggja megi að allir sjómenn þiggi sömu laun.

  4. Breytingu laga á þann veg að fleiri aðilar en einungis útgerðarmenn geti leigt kvóta og þannig tryggt stöðu sína.

„Síðan hafa fjórir ráðherrar hafa haft tækifæri til að fara að álitinu. Vissulega haft mislangan tíma til þess en árið 2017 voru fimm ár liðin frá útgáfu þess,“ segir í tilkynningu SFÚ.

„Um leið og við bjóðum Kristján Þór Júlíusson velkominn í embætti sjávarútvegsráðherra viljum við nota tækifærið til að hvetja hann til að kynna sér efni álitsins. Breytingarnar sem SE lagði til væru allar til mikilla bóta og myndu styrkja íslenskan sjávarútveg enn frekar. Eðlileg samkeppni hlýtur alltaf að vera krafa í íslenskum sjávarútvegi.“

mbl.is
Afurð Dags. Meðalverð
Þorskur, óslægður 19.9.18 440,83 kr/kg
Þorskur, slægður 19.9.18 325,00 kr/kg
Ýsa, óslægð 19.9.18 342,50 kr/kg
Ýsa, slægð 19.9.18 306,32 kr/kg
Ufsi, óslægður 19.9.18 97,53 kr/kg
Ufsi, slægður 19.9.18 134,92 kr/kg
Djúpkarfi 28.6.18 87,90 kr/kg
Gullkarfi 19.9.18 179,47 kr/kg
Litli karfi 28.6.18 45,00 kr/kg
Blálanga, óslægð 19.9.18 221,00 kr/kg

Fleiri tegundir »

19.9.18 Sólrún EA-151 Lína
Ýsa 2.039 kg
Þorskur 1.269 kg
Steinbítur 21 kg
Hlýri 15 kg
Samtals 3.344 kg
19.9.18 Hafborg EA-152 Dragnót
Ýsa 2.263 kg
Þorskur 1.630 kg
Skarkoli 120 kg
Karfi / Gullkarfi 95 kg
Steinbítur 26 kg
Ufsi 21 kg
Þykkvalúra / Sólkoli 13 kg
Samtals 4.168 kg
19.9.18 Haförn ÞH-026 Dragnót
Skarkoli 669 kg
Þorskur 411 kg
Steinbítur 60 kg
Ýsa 58 kg
Samtals 1.198 kg

Skoða allar landanir »