Loðnan veiðist víða síðustu daga vertíðar

Grænlenska skipið Polar Amaroq við Reykjanes í fyrravetur. Í gær ...
Grænlenska skipið Polar Amaroq við Reykjanes í fyrravetur. Í gær var það að veiðum við Tjörnes. Ljósmynd/Eyjolfur Vilbergsson

Margt er öðru vísi við loðnuvertíðina sem nú er langt komin en vertíðarnar síðustu ár. Engar tvær vertíðar virðast vera eins og loðnuskipin hafa verið að veiðum víða við landið síðustu daga, en ekki aðeins á Faxaflóa og Breiðafirði þar sem hafa verið helstu hrygningarstöðvar loðnunnar.

Skipin hafa verið við Tjörnes og í Skjálfanda, við Suðurland, á Breiðafirði og í gær köstuðu fjögur skip á loðnu út af Patreksfirði, Jón Kjartansson SU 11, Beitir NK, Vilhelm Þorsteinsson EA og Huginn VE. Þarna voru góðar lóðningar, en loðnan stóð djúpt eða á 30-40 föðmum, að sögn Grétars Rögnvarssonar, skipstjóra á Jóni Kjartanssyni SU 111. Þeir voru að ljúka við að dæla um 200 tonnum af ágætri hrognaloðnu.

Sjaldan hafa loðnuskipin tekið síðustu skammta vertíðar á Skagagrunni og Skjálfanda fyrir norðan land. Það er þó raunin í tilfelli Polar Amaroq, sem fékk 500-600 tonn á Skagagrunni aðfaranótt föstudags og hafði um hádegi í gær fengið 800 tonn í tveimur köstum á Skjálfanda, skammt frá Flatey. Polar Amaroq og Hoffell voru í gær að veiðum norður af Tjörnesi. Fleiri skip voru að veiðum fyrir Norðurlandi fyrir og um helgina og fengu Ásgrímur Halldórsson, Álsey, Aðalsteinn Jónsson og Hoffell góðan afla þar.

Afurð Dags. Meðalverð
Þorskur, óslægður 18.9.18 365,82 kr/kg
Þorskur, slægður 18.9.18 309,67 kr/kg
Ýsa, óslægð 18.9.18 323,94 kr/kg
Ýsa, slægð 18.9.18 275,40 kr/kg
Ufsi, óslægður 18.9.18 113,58 kr/kg
Ufsi, slægður 18.9.18 121,19 kr/kg
Djúpkarfi 28.6.18 87,90 kr/kg
Gullkarfi 18.9.18 142,13 kr/kg
Litli karfi 28.6.18 45,00 kr/kg
Blálanga, óslægð 18.9.18 221,98 kr/kg

Fleiri tegundir »

18.9.18 Þórunn Sveinsdóttir VE-401 Botnvarpa
Karfi / Gullkarfi 34.356 kg
Djúpkarfi 2.443 kg
Samtals 36.799 kg
18.9.18 Flugaldan ST-054 Þorskfisknet
Þorskur 1.044 kg
Skarkoli 50 kg
Samtals 1.094 kg
18.9.18 Þura AK-079 Landbeitt lína
Þorskur 210 kg
Ýsa 89 kg
Langa 11 kg
Samtals 310 kg
18.9.18 Sunnutindur SU-095 Línutrekt
Þorskur 4.123 kg
Ýsa 606 kg
Ufsi 133 kg
Skötuselur 36 kg
Langa 31 kg
Karfi / Gullkarfi 16 kg
Steinbítur 16 kg
Samtals 4.961 kg

Skoða allar landanir »