Heildarafli strandveiða á síðasta ári hefði orðið 13.701 tonn og aukist um 3.941 tonn, eða um 40,4%, ef veiðar hefðu verið heimilaðar fjóra daga í viku frá 2. maí til og með 30. ágúst.

Þetta kemur fram í svari Kristjáns Þórs Júlíussonar sjávarútvegsráðherra við fyrirspurn Bjarna Jónssonar, þingmanns Vinstri grænna, en svarið birtist á vef Alþingis á föstudag.

Úthlutunin tvöfaldast frá 2009

Einnig spurði Bjarni hvort ráðherra teldi að aukin hlutdeild strandveiðibáta í aflaaukningu í þorski myndi styrkja dreifðar byggðir, og hvort hann myndi beita sér fyrir því.

Benti ráðherrann á að úthlutun þorsks til strandveiða hefði farið úr 3.955 tonnum í 10.200 árið 2018.

„Í skýrslu Háskólans á Akureyri um þróun strandveiða á tímabilinu 2009–2017 og framgang veiðanna árið 2017 kemur fram að staða veiðanna að loknum strandveiðum árið 2017 sé óljósari en oft áður,“ segir svo í svari ráðherrans, en vísað er til skýrslu sem 200 mílur fjölluðu um í síðustu viku.

Frétt af mbl.is

Aukinn afli, minni verðmæti

Vega þurfi og meta fyrirkomulagið

„Þannig hafi aldrei verið sett jafnmikið af aflaheimildum inn í kerfið en þrátt fyrir það hefðu aldrei jafnfáir bátar sótt strandveiðarnar frá því að þær hófust árið 2009. Í skýrslunni er vísað til þess að vegna lélegs afurðaverðs á fiskmörkuðum hafi aukin aflabrögð ekki skilað meiri verðmætum. Þannig hafi heildaraflaverðmæti á bát að meðaltali verið lægri en árið 2016 þrátt fyrir að hver bátur hafi aflað um 20–30% meira. Strandveiðikerfið hafi því ekki verið sú brú fyrir nýliða inn í aflamarkskerfið sem vonast var eftir,“ segir enn fremur í svarinu.

„Þá má geta þess að í stefnuyfirlýsingu ríkisstjórnarinnar kemur fram að vega þurfi og meta fyrirkomulag þeirra aflaheimilda sem ríkið fer með forræði yfir, þ.m.t. strandveiða, með það að markmiði að tryggja betur byggðafestu og nýliðun.“

Tengdar fréttir

Smábátaveiðar

Lokun Skápsins tvímælalaust að skila sér

• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum
• Fjöldi tillagna fyrir aðalfundi smábátaeigenda

» Fleiri tengdar fréttir

• Blogga um frétt