„Þetta var bara Guð og lukkan“

Nero hét báturinn sem sökk.
Nero hét báturinn sem sökk. Ljósmynd/Aðsend

Mannbjörg varð undan ströndum bæjarins Mehamn í norðurhluta Noregs nú undir kvöld. Engu mátti muna að Íslendingur á bát drukknaði en hann flaut í björgunarhring í gallabuxum þegar honum var bjargað úr sjónum.

Sigurður Hjaltested var við veiðar á bátnum Nero og hringdi í félaga sinn, Kjartan Jóhannsson, þegar hann tók eftir því að báturinn var farinn að taka inn á sig vatn en þá var Sigurður um 3,5 kílómetra frá landi. Kjartan hringdi beint eftir aðstoð björgunarskips á svæðinu en það var komið á vettvang 20 mínútum síðar.

„Báturinn sökk fimm mínútum eftir að Sigurður hringdi í mig en það var annar fiskibátur á svæðinu sem veiddi hann upp úr sjónum. Hann flaut bara um þarna í björgunarhringnum í gallabuxum,“ segir Kjartan í samtali við mbl.is.

Kjartan segir að allt hafi gerst mjög hratt þarna en Sigurður náði ekki að losa björgunarbát á Nero eða fara í flotgalla. „Þetta var bara Guð og lukkan,“ segir Kjartan og bætir við að það hefði ekki mátt tæpara standa:

Þetta var eins tæpt og hugsast getur. Það er svakalegur straumur þarna svo þetta er alls ekki góður staður til að lenda í einhverju svona. Hann var heppinn í dag, þó að það sé föstudaginn 13.“

Kjartan segir að Sigurður hafi slegið á létta strengi við komuna í land þrátt fyrir sjávarháskann. „Það fyrsta sem hann sagði var að hann ætlaði aldrei aftur í sjó á föstudaginn 13.!“ 

mbl.is
Afurð Dags. Meðalverð
Þorskur, óslægður 18.4.18 135,65 kr/kg
Þorskur, slægður 18.4.18 320,82 kr/kg
Ýsa, óslægð 18.4.18 400,00 kr/kg
Ýsa, slægð 18.4.18 323,18 kr/kg
Ufsi, óslægður 18.4.18 0,00 kr/kg
Ufsi, slægður 18.4.18 78,07 kr/kg
Djúpkarfi 19.3.18 50,00 kr/kg
Gullkarfi 18.4.18 91,35 kr/kg
Litli karfi 14.2.18 18,00 kr/kg
Blálanga, óslægð 20.3.18 225,00 kr/kg

Fleiri tegundir »

19.4.18 Sæfari HU-212 Grásleppunet
Grásleppa 408 kg
Þorskur 380 kg
Ýsa 4 kg
Samtals 792 kg
18.4.18 Björn EA-220 Grásleppunet
Grásleppa 993 kg
Samtals 993 kg
18.4.18 Ver AK-038 Grásleppunet
Grásleppa 867 kg
Þorskur 182 kg
Samtals 1.049 kg
18.4.18 Leifi AK-002 Grásleppunet
Grásleppa 605 kg
Þorskur 9 kg
Samtals 614 kg
18.4.18 Sæúlfur NS-038 Grásleppunet
Grásleppa 1.203 kg
Þorskur 165 kg
Samtals 1.368 kg

Skoða allar landanir »