Komnir af hættusvæði sjórána

Sjóleiðin.
Sjóleiðin.

Togaratvíburarnir Breki og Páll Pálsson komust fyrr í dag af hættusvæði sjórána í sundinu milli Sómalíu og Jemens. Siglingin um svæðið var tíðindalaus með öllu og mannskapnum létti mjög þegar komið var inn á Rauðahafið.

Hermennirnir þrír, sem komu í Breka á Sri Lanka, fara frá borði á morgun og taka með sér vopnasafnið sitt. Þeir þurftu blessunarlega aldrei að hleypa af skoti til varnar skipi og áhöfn nema í æfingaskyni, samkvæmt upplýsingum frá útgerðinni.

Hermennirnir hafa bækistöð í pramma á Rauðahafi og bíða þar eftir næsta verkefni. Þá gæta þeir öryggis um borð í einhverju skipi sem er á suðurleið um Súesskurð og Rauðahaf. Þannig er lífið hjá köppunum.

„Við erum mjög lukkulegir að hafa náð þessum áfanga og teljum nú niður á lokakaflanum. Að baki eru 6.400 sjómílur frá Kína og núna eru nákvæmlega 4.878 sjómílur heim til Vestmannaeyja!“ segir Bergur Guðnason, stýrimaður á Breka, í fréttatilkynningu.

Þá var blessuð blíðan á Rauðahafi líkt og fyrri daginn, blankalogn og 35 stiga lofthiti. Sjávarhiti 28 gráður.

„Við höfum tilkynnt komu okkar að Súesskurði að morgni 19. apríl að staðartíma og stillum okkur af þannig af að það standist. Hægjum heldur á okkur því við erum ögn á undan áætlun.

Hermennirnir eru hættu að standa vaktir um hádegi. Þeir höfðu orð á því að það hefði verið óvenjulega rólegt í kringum okkur á leiðinni. Í sundinu þar sem þrengst er hefur oft verið krökkt af fiskibátum og sjóræningjar verið þar gjarnan innan um að reyna að sæta lagi. Nú sást þarna ekki einn einasti bátur. Allt með eins kyrrum kjörum og hugsast gat.

Eitt olíuskip hefur fylgt Breka og Páli um hættusvæðið og önnur skip voru skammt á undan okkur. Herskip sáum við aldrei en vitum að þau eru ekki fjarri siglingaleiðinni, við öllu búin.

Þetta gengur ljómandi vel hjá okkur og vaxandi tilhlökkun að koma heim!,“ er haft eftir Bergi í fréttatilkynningu.

mbl.is
Afurð Dags. Meðalverð
Þorskur, óslægður 12.12.18 353,19 kr/kg
Þorskur, slægður 12.12.18 386,72 kr/kg
Ýsa, óslægð 12.12.18 292,56 kr/kg
Ýsa, slægð 12.12.18 287,58 kr/kg
Ufsi, óslægður 11.12.18 123,57 kr/kg
Ufsi, slægður 12.12.18 110,71 kr/kg
Djúpkarfi 6.12.18 307,00 kr/kg
Gullkarfi 12.12.18 270,48 kr/kg
Litli karfi 24.10.18 17,00 kr/kg
Blálanga, óslægð 10.12.18 192,80 kr/kg

Fleiri tegundir »

12.12.18 Tjálfi SU-063 Dragnót
Ýsa 392 kg
Þorskur 129 kg
Skarkoli 11 kg
Samtals 532 kg
12.12.18 Sólrún EA-151 Lína
Ýsa 3.756 kg
Þorskur 1.652 kg
Samtals 5.408 kg
12.12.18 Dagrún HU-121 Þorskfisknet
Þorskur 1.531 kg
Samtals 1.531 kg
12.12.18 Sigrún EA-052 Handfæri
Ufsi 893 kg
Þorskur 85 kg
Samtals 978 kg
12.12.18 Siggi Bjartar ÍS-050 Landbeitt lína
Ýsa 1.117 kg
Þorskur 920 kg
Steinbítur 4 kg
Langa 1 kg
Samtals 2.042 kg

Skoða allar landanir »