Krefjast afhendingar gagna

Landsamband veiðifélaga telur að álit Skipulagsstofnunar eigi að standa.
Landsamband veiðifélaga telur að álit Skipulagsstofnunar eigi að standa. mbl.is/Helgi Bjarnason

Landssamband veiðifélaga (LV) hefur skrifað Skipulagsstofnun bréf og gert kröfu um að stofnunin afhendi álit sitt um laxeldi í Ísafjarðardjúpi sem gefið var út 3. apríl.

„Samkvæmt lögum skal álit Skipulagsstofnunar kynnt umsagnaraðilum við útgáfu þess. LV telur álitið eigi að standa og að sambandið eigi rétt á afhendingu þess. Þá virðist sem öðrum umsagnaraðilum hafi verið kynnt álitið,“ stendur í fréttatilkynningu frá LV. Á Facebook síðu bæjarstjóra Ísafjarðarbæjar, sem var meðal umsagnaraðila, hafi til dæmis eftirfarandi úrdráttur verið birtur:

„Í ljósi niðurstöðu áhættumats Hafrannsóknastofnunar og álits Erfðanefndar landbúnaðarins telur Skipulagsstofnun að áhrif laxaeldis Háafells á villta laxastofna í Ísafjarðardjúpi séu líkleg til að verða verulega neikvæð og að ekki eigi, miðað við fyrirliggjandi forsendur, að leyfa eldi á frjóum laxi í Ísafjarðardjúpi.“

LV telur að með því að draga „svo afgerandi álit til baka sé verið að setja fordæmi sem valda mun mikilli óreiðu við málsmeðferð áætlana um umhverfismat. Opnað er fyrir þá leið að framkvæmdaaðli geti  fengið útgefið álit dregið til baka að vild undir því yfirskyni að hann óski eftir að leggja fram viðbótarupplýsingar þótt ekki sé vitað hvers efnis þær eru.“

mbl.is
Afurð Dags. Meðalverð
Þorskur, óslægður 20.4.18 211,93 kr/kg
Þorskur, slægður 20.4.18 300,32 kr/kg
Ýsa, óslægð 20.4.18 381,77 kr/kg
Ýsa, slægð 20.4.18 292,07 kr/kg
Ufsi, óslægður 20.4.18 57,57 kr/kg
Ufsi, slægður 20.4.18 72,62 kr/kg
Djúpkarfi 19.3.18 50,00 kr/kg
Gullkarfi 20.4.18 101,17 kr/kg
Litli karfi 14.2.18 18,00 kr/kg
Blálanga, óslægð 20.3.18 225,00 kr/kg

Fleiri tegundir »

21.4.18 Rún NK-100 Grásleppunet
Grásleppa 1.267 kg
Samtals 1.267 kg
21.4.18 Nanna Ósk Ii ÞH-133 Þorskfisknet
Ýsa 42 kg
Ufsi 9 kg
Samtals 51 kg
21.4.18 Kristín NS-035 Grásleppunet
Grásleppa 649 kg
Þorskur 53 kg
Samtals 702 kg
21.4.18 Dagur ÞH-110 Grásleppunet
Grásleppa 1.001 kg
Samtals 1.001 kg
21.4.18 Gunnþór ÞH-075 Grásleppunet
Grásleppa 660 kg
Þorskur 41 kg
Skarkoli 6 kg
Samtals 707 kg

Skoða allar landanir »