„Eins og legið sé við bryggju“

Blængur kemur heim fyrir Sjómannadaginn.
Blængur kemur heim fyrir Sjómannadaginn. Mynd/Hákon Ernuson

Veiðin hefur farið tiltölulega hægt af stað hjá frystitogaranum Blængi NK, sem fór til veiða í Barentshafi 28. apríl síðastliðinn. Segir Theodór Haraldsson skipstjóri að fyrstu dagana hafi fengist um það bil tonn á klukkutímann.

Að undanförnu hefur veiðin farið vaxandi en fiskurinn heldur sig á litlum blettum. Þegar hann finnst hópast einir tuttugu togarar að og þá dregur fljótt úr veiðinni, að því er fram kemur á vef Síldarvinnslunnar, en auk Blængs er Kleifaberg þarna að veiðum ásamt þremur færeyskum skipum. Önnur skip eru rússnesk.

Þætti góður afli á Íslandsmiðum

Góð veiði var á sunnudag og mánudag og á mánudaginn fengust 70-80 tonn þannig að í fyrrinótt var skipið á reki á meðan aflinn var unninn. Vinnslan hefur gengið mjög vel og fóru 65 tonn af blönduðum afla í gegnum hana á mánudag. Í gær datt veiðin niður á ný og nú eru skipin að leita. Theodór segir að nú séu um 600 tonn komin um borð í skipið og uppistaða aflans sé þorskur.

„Það er staðreynd að við vonuðumst eftir heldur meiri afla, en hitt er svo annað mál að þetta þætti góður afli á Íslandsmiðum. Það hefur venjulega verið meiri afli í Barentshafinu um þetta leyti árs en af einhverjum ástæðum er fiskgengd ekki jafn mikil núna. Hér hefur verið blíðuveður þennan hálfa mánuð sem við höfum verið að veiðum. Skipið hreyfist nánast ekki, það er eins og legið sé við bryggju,“ segir Theodór.

Blængur mun koma í heimahöfn fyrir Sjómannadaginn, sem er 3. júní.

mbl.is
Afurð Dags. Meðalverð
Þorskur, óslægður 16.1.19 327,73 kr/kg
Þorskur, slægður 16.1.19 405,09 kr/kg
Ýsa, óslægð 16.1.19 305,44 kr/kg
Ýsa, slægð 16.1.19 292,25 kr/kg
Ufsi, óslægður 16.1.19 105,97 kr/kg
Ufsi, slægður 16.1.19 136,12 kr/kg
Djúpkarfi 16.1.19 253,00 kr/kg
Gullkarfi 16.1.19 315,73 kr/kg
Litli karfi 24.10.18 17,00 kr/kg
Blálanga, óslægð 15.1.19 100,00 kr/kg

Fleiri tegundir »

17.1.19 Auður HU-094 Landbeitt lína
Þorskur 1.231 kg
Ýsa 196 kg
Steinbítur 13 kg
Hlýri 4 kg
Karfi / Gullkarfi 1 kg
Samtals 1.445 kg
17.1.19 Bergey VE-544 Botnvarpa
Ýsa 9.575 kg
Þorskur 6.038 kg
Karfi / Gullkarfi 2.455 kg
Lýsa 2.196 kg
Skötuselur 864 kg
Skarkoli 785 kg
Langa 618 kg
Stórkjafta / Öfugkjafta 466 kg
Steinbítur 248 kg
Þykkvalúra / Sólkoli 136 kg
Skata 88 kg
Samtals 23.469 kg

Skoða allar landanir »