Fiskaflinn 30% meiri en í apríl í fyrra

Fiskafli íslenskra skipa í apríl var 146.742 tonn í apríl síðastliðnum, eða 30% meiri en í sama mánuði á síðasta ári. Botnfiskafli var rúm 49 þúsund tonn sem er 23% aukning frá fyrra ári, en þar af nam þorskaflinn rúmum 23 þúsund tonnum sem er 30% meiri afli en í apríl í fyrra.

Fram kemur í tilkynningu frá Hagstofunni að af uppsjávartegundum hafi nær eingöngu veiðst kolmunni, en af honum veiddust tæp 94 þúsund tonn sem er 33% meira en í apríl 2017. Skel- og krabbadýraafli nam þá 1.607 tonnum samanborið við 824 tonn í apríl 2017.

Heildarafli á 12 mánaða tímabili frá maí 2017 til apríl 2018 var rúmlega 1.265 þúsund tonn, sem er 17% aukning miðað við sama tímabil ári fyrr.

• Blogga um frétt