Ekki er hægt að draga víðtækar ályktanir af þeim niðurstöðum Hafrannsóknastofnunar, að sex af tólf löxum sem henni voru sendir vegna gruns um eldisuppruna, hafi reynst vera strokulaxar úr eldi.

Þetta kemur fram í tilkynningu frá Landssambandi fiskeldisstöðva, sem fagnar því að komin sé niðurstaða um uppruna fiskanna tólf, sem stofnunin tók til rannsóknar í haust.

„[N]iðurstaðan staðfestir þá sýn fagaðila, bæði innan LF og Hafrannsóknarstofnunar að vöktunar er þörf á ám á eldissvæðum, en það hefur komið fram að eldisfyrirtækin hafa lýst sig fylgjandi því og hafa boðist til að bera kostnað sem af vöktun hlýst og jafnframt hreinsa út hugsanlega eldislaxa sem í ár kynnu að ganga, en tækni til þess er til og þegar nýtt annars staðar,“ segir í tilkynningunni.

Sleppingar langt innan strangra marka

Bent er á að íslenska tæknifyrirtækið Vaki hafi víða sett niður teljara- og myndavélabúnað, sem hentað gæti í tengslum við manngerða laxastiga eins og til dæmis við Laugardalsá í Ísafjarðardjúpi.

„Fiskeldi hófst í Arnarfirði árið 2012 og milljónir fiska hafa verið aldir í firðinum síðan, sem skapað hafa útflutningstekjur sem nema á annan tug milljarða og yfir 300 störf við eldið og tengt því. Reynsla síðustu ár sýnir að sleppingar eru langt innan þeirra ströngu marka sem áhættumat Hafrannsóknarstofnunar gerir ráð fyrir. Þetta er í samræmi við þá stefnu fiskeldis á Íslandi að hafa umhverfismál og samfélagslega uppbygginu að leiðarljósi í þróun á sjálfbæru fiskeldi.“

Frétt af mbl.is

Sex laxar höfðu sloppið úr eldi

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir

• Blogga um frétt