„Við munum nýta okkar málfrelsi“
Setja bókamerki
Tengdar fréttir
Veiðigjöld
Miklar deilur eru um veiðigjaldafrumvarp meirihlutans á Alþingi og er enn óljóst hvernig þinghaldi verði háttað. Fulltrúi minnihlutans segist reiðubúinn til þess að beita málfrelsi til að knýja fram ásættanlega niðurstöðu náist ekki samkomulag milli meirihluta og minnihluta þingsins um veiðigjöld.
Birgir Ármannsson, þingflokksformaður Sjálfstæðisflokksins, staðfestir við mbl.is að formenn þingflokka munu hittast og ræða um framvindu þinghalds og veiðigjöld. Hann segir jafnframt að enn sé „óvíst hvað verður.“ Samkvæmt Birgi munu formenn stjórnmálaflokkana einnig hittast í hádeginu í dag til þess að ræða stöðu mála.
Fundað hefur verið undanfarna daga til þess að leysa deiluna á Alþingi.
Í dag segist Fréttablaðið hafa heimildir fyrir því að það sé vilji innan Vinstrihreyfingarinnar græns framboðs að semja við minnihlutann um veiðigjaldafrumvarpið til þess að skera á þann hnút sem hefur myndast vegna málsins.
Oddný G. Harðardóttir, þingflokksformaður Samfylkingarinnar, segir í samtali við mbl.is að það virðist einhver viðleitni til þess að semja við minnihlutann hvað varðar veiðigjöldin. Hún staðhæfir að málið verður ekki leyst án samkomulags við minnihlutann.
Við spurningu blaðamanns um hvort málþófi verði beitt náist ekki samkomulag um veiðigjöldin svarar Oddný, „við munum nýta okkar málfrelsi og tillögu rétt því við getum aldrei samþykkt þetta sem þau eru að leggja fram óbreytt.“
Tengdar fréttir
Veiðigjöld
Kostnaður meiri en milljón á fermetra
Krefjast stöðvunar framkvæmda
Vélsleðaslys: Þyrlan kölluð út á mesta forgangi
Eyjafjarðarbraut lokað vegna alvarlegs umferðarslyss
„Hvílir mikil leynd yfir þessu öllu“
Shakespeare fannst í skókassa
Handteknir eftir myndatöku í Vesturbæjarlaug