Óeining í minnihlutanum skapar óvissu
Setja bókamerki
Tengdar fréttir
Veiðigjöld
Stíft er fundað milli atkvæðagreiðslna og á meðan umræður standa á Alþingi í dag. Fulltrúar minnihlutans hafa hist með hléum það sem af er degi, en tillaga meirihluta atvinnuveganefndar varðandi veiðigjöld hefur þótt umdeild og liggur fyrir tilboð frá meirihlutanum til þess að ná sáttum í málinu.
Katrín Jakobsdóttir, forsætisráðherra, staðfesti við fjölmiðla í gær að hún teldi rétt að leggja til óbreytt veiðigjöld, en jafnframt að það væri gegn því að sátt náðist í öðrum atriðum er varða þinghald. Nákvæmlega hvaða atriði það eru, er ekki ljóst á þessu stigi.
Afstaða breytt á „klukkutíma fresti“
Fulltrúar minnihlutans funda nú um þessar stundir um hvort skal ganga við kröfum meirihlutans. Ekki liggur fyrir hvaða kröfur minnihlutinn gerir til þess að ákvörðun verði tekin um lengd þinghalds og annarra mála. Virðist sem deilurnar snúast um fleiri þætti en veiðigjöld bæði af hálfu meirihlutans og minnihlutans.
Heimildir mbl.is innan minnihlutans segja að meirihlutinn hafi boðið upp á ástandið þar sem útspil Katrínar hafi opnað á samninga um fleiri mál og lengd þinghalds. Hinsvegar hefur það ekki verið krafa minnihlutans að samningur um veiðigjöld yrði tengdur öðrum málum, en nú hefur skapast tækifæri til þess að semja um önnur mál á dagskrá þingsins.
Innan meirihlutans heyrist að staðan er honum heldur óþægileg, meðal annars vegna þess hve sundraður minnihlutinn er. Var sagt við blaðamann að það væri stöðugt vera að semja um eitthvað nýtt þar sem flokkar minnihlutans væru ósamstíga. „Afstaða þeirra breytist á klukkutíma fresti,“ sagði einn viðmælandi blaðamanns.
Tengdar fréttir
Veiðigjöld
Bifreið ekið á skrifstofu Útlendingastofnunar
Áköf mótmæli í bandarískum háskólum
Segir nýtt frumvarp gefa eldisfyrirtækjum auðlindir
Mest spennandi kosningar í áratugi
Myndir: Reynir við heimsmet í Hlíðarfjalli í dag
„Þetta er pínu óvanaleg staða“
Íslendingar ein mest einmana þjóð heims
Átta morðmál á aðeins tólf mánuðum