„Þá held ég fleyi til hafnar“

Á sjómannadaginn er mart til gamans gert. Á myndinni er ...
Á sjómannadaginn er mart til gamans gert. Á myndinni er róðarkeppni dagsins í fulluum gangi. Ljósmynd/Faxaflóahafnir

Undanfarin ár hafa Faxaflóahafnir sf. sett upp veglega ljósmyndasýningu á steyptum stöplum á Miðbakka. Sýningin var opnuð rétt fyrir Hátíð hafsins og stendur fram á haust. Texti með myndunum er bæði á íslensku og ensku og því höfðar sýningin einnig til erlendra ferðamanna, sem leggja leið sína á hafnarsvæðið.

„Það er stöðugur straumur fólks að skoða sýninguna. Ég kíkti einmitt út um gluggann áðan og þá voru erlendir ferðamenn með bakpoka að skoða sýninguna,“ sagði Erna Kristjánsdóttir, markaðsstjóri Faxaflóahafna, þegar Morgunblaðið sló á þráðinn til hennar.

Höfundar ljósmyndasýningarinnar eru þeir Guðjóni Ingi Hauksson og Guðmund Viðarsson, en þeir hafa séð um sýninguna fyrir Faxaflóahafnir sf. undanfarin ár.

Sýningin í ár ber heitið: „Skipin og hafnirnar við Faxaflóa ...þá held ég fleyi til hafnar“.

Nafnið er tekið úr Síldarvalsinum vinsæla en hugmyndina að nafngiftinni átti Gísli Gíslason, hafnarstjóri Faxaflóahafna. Tillaga hans er tilvitnun í Síldarvalsinn og þótti tilheyra vel efnistökum sýningarinnar í ár.

Allt frá kútterum til kafbáta

Sýningarspjöldin innihalda stiklur úr sögu íslenskra skipa og hafna við Faxaflóa. Stiklað er á stóru í þróun hafnanna og þeirra skipa er höfðu viðkomu eða áttu heimahöfn í Reykjavík og öðrum höfnum við Faxaflóann, svo sem í Sundahöfn, Akraneshöfn, Borgarneshöfn eða Grundartangahöfn.

„Saga skipanna er ekki tæmandi í svo stuttri sýningu en mismunandi skipum eru gerð skil, skipum sem eiga merka sögu á einhvern sögulegan hátt eða eru sérstök fyrir það hlutverk sem þau gegndu. Saga sem kannski er ekki öllum kunn,“ segir í kynningu á sýningunni.

Í því sambandi má nefna sérhæfð skip, allt frá kútterum til kafbáta, sem gefur góða vísbendingu um þá fjölbreytni sem einkennt hefur skipasögu landsins og þátt hafnanna í þeirri sögu. En hafnirnar hafa gegnt mikilvægu hlutverki í þessari þróun sem skipin eru þátttakendur í. Sem dæmi má nefna þýska kafbáta sem komu til hafnar í Reykjavík 1939, rétt áður en seinni heimsstyrjöldin skall á. Einnig má nefna afar sérstakt síldarbræðsluskip sem fengið var til landsins þegar síldarævintýrið í Faxaflóa stóð sem hæst. Og svo mætti lengi telja.

„Reykjavíkurhöfn með sinni miklu og löngu sögu tengist miklum meirihluta þessara skipa en verandi höfn höfuðborgarinnar er hún fyrsti viðkomustaður flestra skipa sem erindi eiga til landsins.

Fyrir áhugafólk um þróun og sögu er þessi upprifjun skemmtileg innsýn í horfinn tíma sem birtist þó ljóslifandi í nýjustu skipunum sem koma nýsmíðuð um langan veg eitt af öðru til hafnar. Þau skapa áframhaldandi sögu framtíðarinnar.“

Sjá nánar um sýninguna

Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Afurð Dags. Meðalverð
Þorskur, óslægður 24.4.19 291,95 kr/kg
Þorskur, slægður 24.4.19 359,81 kr/kg
Ýsa, óslægð 24.4.19 218,41 kr/kg
Ýsa, slægð 24.4.19 241,32 kr/kg
Ufsi, óslægður 24.4.19 98,97 kr/kg
Ufsi, slægður 24.4.19 137,40 kr/kg
Djúpkarfi 9.4.19 224,97 kr/kg
Gullkarfi 24.4.19 243,50 kr/kg
Litli karfi 4.4.19 0,00 kr/kg
Blálanga, óslægð 12.4.19 10,00 kr/kg

Fleiri tegundir »

25.4.19 Vestmannaey VE-444 Botnvarpa
Ýsa 46.708 kg
Lýsa 298 kg
Karfi / Gullkarfi 121 kg
Þykkvalúra / Sólkoli 14 kg
Skötuselur 12 kg
Langlúra 10 kg
Stórkjafta / Öfugkjafta 8 kg
Skarkoli 3 kg
Samtals 47.174 kg
25.4.19 Júlía SI-062 Grásleppunet
Grásleppa 2.101 kg
Samtals 2.101 kg
25.4.19 Hilmir ST-001 Grásleppunet
Grásleppa 3.054 kg
Skarkoli 125 kg
Þorskur 82 kg
Steinbítur 28 kg
Samtals 3.289 kg

Skoða allar landanir »