Borgarísjakinn orðinn sýnilegur frá landi

Borgarísjakinn myndarlegi. Ljósmyndari mbl.is náði mynd af honum er hann ...
Borgarísjakinn myndarlegi. Ljósmyndari mbl.is náði mynd af honum er hann var á ferð með Landhelgisgæslunni í vikunni. mbl.is/Kristinn Magnússon

Borgarísjakinn sem stefndi inn í Húnaflóa í vikubyrjun er nú farinn að sjást frá veðurathugunarstöðinni Litlu-Ávík á Ströndum. Helga Ívarsdóttir, veðurfræðingur hjá Veðurstofu Íslands, segir að í þeim norðaustan- og norðanáttum sem verði næstu daga megi gera ráð fyrir að borgarísjakinn mjakist til vesturs. „Hann gæti því alveg náð landi á Hornströndum,“ segir hún. Þeir sem eru á ferð á Hornströndum næstu daga ættu því að fylgjast vel með.

Hafísspöngin, sem hefur undanfarna daga verið rétt norður af Hornströndum, er hins vegar tekin að leysast upp. Í gær var hún um 12 sjómílur frá Horni, eftir að hafa verið 2,5 mílur frá Horni í vikubyrjun. „Svo virðist sem hún sé farin að eyðast, en það má þó búast við að einhverjir jakar séu enn til staðar og þá ber að varast,“ segir Helga.

Hafísinn ber við sjóndeildarhringinn undir örinni. Myndin er frá veðurathugunarstöðinni ...
Hafísinn ber við sjóndeildarhringinn undir örinni. Myndin er frá veðurathugunarstöðinni Litlu-Ávík. Ljósmynd/Jón Guðbjörn Guðjónsson

Gervihnattamyndir af hafísspönginni og borgarísnum voru birtar á Facebook-síðu eldfjallafræði- og náttúrvárhóps Háskóla Íslands.

Borgarísjakinn er öllu þéttari í sér og var hann vel sýnilegur frá landi í Litlu-Ávík í gær, en einungis einn tíundi hluti hans er þó sýnilegur.

Helga segir hafísinn nú ekki vera óvenjulegan miðað við árstíma. „Það hefur verið frekar lítið um hann undanfarið, en ég man þó vel eftir stórum hafísjaka á höfninni á Hólmavík sem við vorum búin að draga inn,“ segir hún og hvetur fólk til að sýna varkárni í námunda við hafís.

mbl.is
Afurð Dags. Meðalverð
Þorskur, óslægður 17.8.18 219,80 kr/kg
Þorskur, slægður 17.8.18 283,20 kr/kg
Ýsa, óslægð 17.8.18 210,62 kr/kg
Ýsa, slægð 17.8.18 182,13 kr/kg
Ufsi, óslægður 17.8.18 54,30 kr/kg
Ufsi, slægður 17.8.18 100,09 kr/kg
Djúpkarfi 28.6.18 87,90 kr/kg
Gullkarfi 17.8.18 161,09 kr/kg
Litli karfi 28.6.18 45,00 kr/kg
Blálanga, óslægð 17.8.18 235,00 kr/kg

Fleiri tegundir »

19.8.18 Berti G ÍS-727 Landbeitt lína
Ýsa 1.228 kg
Þorskur 880 kg
Steinbítur 167 kg
Skarkoli 81 kg
Samtals 2.356 kg
19.8.18 Ásþór RE-395 Handfæri
Þorskur 1.627 kg
Ufsi 140 kg
Samtals 1.767 kg
19.8.18 Eiður ÍS-126 Dragnót
Steinbítur 8.584 kg
Þorskur 1.483 kg
Skarkoli 348 kg
Ýsa 149 kg
Samtals 10.564 kg
19.8.18 Hringur ÍS-305 Handfæri
Þorskur 1.461 kg
Samtals 1.461 kg

Skoða allar landanir »