Kafarar voru kallaðir til aðstoðar eftir að nótarpoki eldiskvíar Fjarðalax í Tálknafirði endaði í skrúfu vinnubáts á þriðjudag. Þetta kemur fram í tilkynningu frá Matvælastofnun. Losuðu kafararnir nótarpokann af skrúfu vinnubátsins en áður höfðu starfsmenn sett öryggisnet inn í nótarpokann þar sem hann var útdreginn og flæktur.

Í framhaldinu var allur fiskur fluttur úr kvínni og yfir í nærliggjandi kví, samkvæmt því sem fram kemur í tilkynningunni. Ekki var talin hætta á slysasleppingu og staðfest hefur verið að starfsmenn brugðust við aðstæðum á viðeigandi hátt samkvæmt verkferli fyrirtækisins.

Um leið sé þó ljós þörf á tilteknum úrbótum að sögn stofnunarinnar, og verða gerðar kröfur um úrbætur á búnaði og verklagi.

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir

• Blogga um frétt