„Auðvitað er þetta mjög miður að atvik af þessu tagi komi upp. Það er auðvitað aldrei hægt að útiloka að eitthvað slíkt gerist,“ segir Einar K. Guðfinnsson, formaður Landssambands fiskeldisstöðva, um göt sem fund­ust í gær á sjókví­um lax­eld­is­fyr­ir­tæk­is­ins Arn­ar­lax í Tálknafirði.

Götin fundust við reglu­bundið eft­ir­lit starfs­manna og hefur viðbragðsáætl­un hefur verið virkjuð og voru rek­n­et lögð út við kvína til að koma í veg fyr­ir að fisk­ur slyppi út. Mat­væla­stofn­un, Um­hverf­is­stofn­un og Fiski­stofu hefur verið tilkynnt um atvikið.

Frétt af mbl.is

Göt fundust á sjókví í Tálknafirði

Einar segir að verkefni fiskeldisins sé að að reyna að lágmarka hættuna á að skaði hljótist af. „Það sem menn verða að hafa í huga í þessu sambandi er að eitt er það að lax kunni að hafa sloppið úr kvíum og annað hvort fiskurinn geti haft neikvæð áhrif á lífríkið. Það sem við vitum í því sambandi er að það eru allar líkur á því að langstærstur hluti af þessum fiski drepist. Reynslan hefur sýnt það alls staðar að eldisfiskur á mjög erfitt með að lifa í hinu villta umhverfi.“

Fyrstu niðurstöður benda til þess að bilun í upphífingarbúnaði hafi orsakað tvö göt á nótapoka við sjókvíarnar. Ekki er ljóst hversu margir laxar hafa sloppið út.

Einar segir að mikilvægt sé að vakta árnar umhverfis sjókvíarnar. „Það er líka ljóst mál eins og fram hefur komið í áhættumati Hafrannsóknarstofnunar að hættan á erfðablöndun villta fisksins og eldisfisksins er mjög staðbundin og verkefnið er þá einfaldlega það að vakta árnar í kring til að koma í veg fyrir að eldisfiskur rati upp í árnar og það er að mínu mati ekki mjög flókið verk.“

Í fe­brú­ar laskaðist ein eldisk­ví fyr­ir­tæk­is­ins í óveðri með 500-600 tonn­um af eld­islaxi og dráp­ust um 53 þúsund fisk­ar.

Einar telur að ekki sé sérstök ástæða til að skoða verkferla hjá Arnarlaxi vegna atvikanna tveggja. „Málin eru ólík eðlis og það er augljóst mál að fyrirtækið hefur brugðist rétt við og í samræmi við allar reglur sem um þetta gilda.“

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir

• Blogga um frétt