22 langreyðar komnar á land

22 langreyðar hafa verið dregnar á land frá því að ...
22 langreyðar hafa verið dregnar á land frá því að hvalveiðar hófust fyrir þremur vikum. mbl.is/Golli

Hvalveiðar hafa farið ágætlega af stað í sumar að sögn Kristjáns Loftssonar, forstjóra Hvals hf., en veiðst hafa 22 langreyðar frá því að veiðar hófust 20. júní. Hann segir veður þó hafa verið erfitt og skyggnið ekkert sérstakt þessar fyrstu þrjár vikur hvalveiðanna.

„Þetta hefur gengið svona upp og niður. Skyggnið hefur verið erfitt og annar bátanna fór af stað heldur seinna en áætlað var,“ segir Kristján en Hvalur 9 var sjósettur aðeins á eftir áætlun þar sem biðin eftir varahlutum var lengri en gert var ráð fyrir.

Báðir bátarnir hafa legið í Hvalfirði undanfarna tvo sólarhringa eða svo, vegna brælu, en að sögn Kristjáns munu þeir halda á miðin í dag. „Mest veiðin hefur verið suðvestur af Garðskaganum,“ segir Kristján.

Eftir að búið er að gera að hvölunum er kjötið fryst og geymt í frystigeymslu þar sem það bíður þar til að það er flutt út. Hvalur hf. hefur heimildir til að veiða tæplega 200 dýr á þessu ári.

Kristján sagði á dögunum að kjötið verði væntanlega selt til Japan í haust. Sagði hann aldrei hafa verið erfitt að finna kaupendur þar í landi heldur hafi efnagreiningar opinberra aðila í Japan torveldað viðskiptin. „Þeir hafa lofað því að taka upp þessar alþjóðlegu aðferðir héðan í frá,“ sagði Kristján í samtali við mbl.is í lok síðasta mánaðar. 

mbl.is
Afurð Dags. Meðalverð
Þorskur, óslægður 25.4.19 262,27 kr/kg
Þorskur, slægður 25.4.19 317,54 kr/kg
Ýsa, óslægð 25.4.19 207,94 kr/kg
Ýsa, slægð 25.4.19 195,49 kr/kg
Ufsi, óslægður 25.4.19 79,90 kr/kg
Ufsi, slægður 25.4.19 88,55 kr/kg
Djúpkarfi 9.4.19 224,97 kr/kg
Gullkarfi 25.4.19 307,66 kr/kg
Litli karfi 4.4.19 0,00 kr/kg
Blálanga, óslægð 12.4.19 10,00 kr/kg

Fleiri tegundir »

25.4.19 Sæfari HU-212 Grásleppunet
Grásleppa 2.013 kg
Þorskur 146 kg
Steinbítur 17 kg
Samtals 2.176 kg
25.4.19 Mæja Odds ÍS-888 Handfæri
Þorskur 971 kg
Samtals 971 kg
25.4.19 Ársæll Sigurðsson HF-080 Grásleppunet
Grásleppa 520 kg
Samtals 520 kg
25.4.19 Ragnar Þorsteinsson ÍS-121 Dragnót
Steinbítur 1.522 kg
Skarkoli 123 kg
Samtals 1.645 kg
25.4.19 Von GK-175 Grásleppunet
Grásleppa 453 kg
Samtals 453 kg

Skoða allar landanir »