Björgunaraðstæður góðar á Héraðsflóa

Magnús Pálmar Jónsson sigmaður fer niður til að sækja manninn.
Magnús Pálmar Jónsson sigmaður fer niður til að sækja manninn. Ljósmynd/Landhelgisgæslan

Flugmaður í þyrluáhöfn Landhelgisgæslunnar sem kölluð var út til björgunar þegar eld­ur kom upp í bát á Héraðsflóa í dag segir aðstæður þar hafa verið góðar. Vel gekk að hífa skipverjann í þyrluna, en hann hafði sjálfur komist í björgunarbát og var staddur skammt frá bátnum sem var í ljósum logum. 

„Björgunaraðgerðir gengu vel fyrir sig. Það voru fínar aðstæður og maðurinn var kominn í [björgunar]bát. Það var mikill reykur, dökkur reykur og smá olíubrák,“ segir Þórarinn Ingi Ingason, flugmaður í áhöfn Landhelgisgæslunnar sem tók þátt í björgunaraðgerðum á vettvangi, í samtali við mbl.is. Hann segir að skipverjinn hafi ekki borið nein einkenni reykeitrunar. „Hann var bara sprækur.“

Þórarinn Ingi Ingason flugmaður Landhelgisgæslunnar við björgunarstörf í dag.
Þórarinn Ingi Ingason flugmaður Landhelgisgæslunnar við björgunarstörf í dag. Ljósmynd/Landhelgisgæslan

Þórarinn Ingi segir að báturinn sem kviknaði í hafi verið frambyggður plastbátur, en hann hafi þó verið illgreinanlegur þegar þyrlan kom á staðinn þar sem stór hluti hans hafi þá þegar verið sokkinn. „Það var svo sem ekki mikið meira en neðri hluti bátsins sem maður sá,“ segir Þórarinn Ingi. 

Skipverjinn var fluttur með þyrlunni til Egilsstaða og lenti hann þar um kl. 16.

mbl.is
Afurð Dags. Meðalverð
Þorskur, óslægður 20.7.18 198,20 kr/kg
Þorskur, slægður 20.7.18 277,35 kr/kg
Ýsa, óslægð 20.7.18 321,66 kr/kg
Ýsa, slægð 20.7.18 102,78 kr/kg
Ufsi, óslægður 20.7.18 38,46 kr/kg
Ufsi, slægður 20.7.18 77,00 kr/kg
Djúpkarfi 28.6.18 87,90 kr/kg
Gullkarfi 20.7.18 232,04 kr/kg
Litli karfi 28.6.18 45,00 kr/kg
Blálanga, óslægð 20.7.18 301,29 kr/kg

Fleiri tegundir »

21.7.18 Jóhanna G ÍS-056 Handfæri
Þorskur 1.619 kg
Ufsi 27 kg
Karfi / Gullkarfi 4 kg
Samtals 1.650 kg
21.7.18 Dóri GK-042 Lína
Hlýri 82 kg
Keila 48 kg
Steinbítur 32 kg
Samtals 162 kg
21.7.18 Sæfari ÁR-170 Plógur
Sæbjúga /Hraunpussa 6.918 kg
Samtals 6.918 kg
21.7.18 Svanur BA-413 Sjóstöng
Þorskur 168 kg
Samtals 168 kg
21.7.18 Haftyrðill ÍS-408 Sjóstöng
Þorskur 44 kg
Samtals 44 kg

Skoða allar landanir »