Gera könnun meðal grásleppuleyfishafa

Gert að grásleppu á Húsavík. Mynd úr safni.
Gert að grásleppu á Húsavík. Mynd úr safni. mbl.is/Hafþór Hreiðarsson

Landssamband smábátaeigenda ætlar að efna til skoðanakönnunar meðal grásleppuleyfishafa þar sem þeir verða spurðir um afstöðu til breytinga á fyrirkomulagi hrognkelsaveiða. Þetta staðfestir Örn Pálsson, framkvæmdastjóri Landssambands smábátaeigenda (LS) og fulltrúi samtakanna í starfshópi á vegum sjávarútvegsráðherra um breytingar á kerfinu.

Samkvæmt heimildum 200 mílna eru mjög skiptar skoðanir á breytingum kerfisins á meðal félagsmanna LS en Kristján Þór Júlíusson hefur lýst því yfir að hann vilji kvótasetja veiðarnar. Í dag fá leyfishafar úthlutað tilteknum dagafjölda sem þeir mega stunda veiðar og í ár eru dagarnir 44.

Örn Pálsson, framkvæmdastjóri Landssambands smábátaeigenda.
Örn Pálsson, framkvæmdastjóri Landssambands smábátaeigenda. Ljósmynd/Aðsend

„Við höfum ekki verið að veiða umfram ráðgjöfina á síðustu árum en það er að sama skapi bagalegt að okkur hefur ekki tekist að veiða allt sem heimilt hefur verið að veiða,“ segir Örn í samtali við 200 mílur.

Í erindisbréfi um skipan starfshópsins segir að nefndin eigi að skila af sér niðurstöðum til ráðherra fyrir 15. júlí en Örn segir það ekki takast. Vildi hann að öðru leyti ekki tjá sig um störf nefndarinnar og vísaði á Jón Gunnarsson, formann nefndarinnar.

Um 220 leyfi hafa verið til grásleppuveiða á þessu ári. Veiðum er lokið á öllum svæðum nema í innanverðum Breiðafirði en þar hófust veiðar ekki fyrr en 20. maí. Annars staðar hófust veiðarnar 20. mars. Flest leyfin voru á svæði E, frá Skaga að Fonti, 75 talsins, en næstflest voru þau í Breiðafirði, 47 talsins. Leyfin voru 250 á síðasta ári. Áætluð veiði ársins er á milli 4.500 og 4.600 tonn.

mbl.is
Afurð Dags. Meðalverð
Þorskur, óslægður 20.7.18 198,20 kr/kg
Þorskur, slægður 20.7.18 277,35 kr/kg
Ýsa, óslægð 20.7.18 321,66 kr/kg
Ýsa, slægð 20.7.18 102,78 kr/kg
Ufsi, óslægður 20.7.18 38,46 kr/kg
Ufsi, slægður 20.7.18 77,00 kr/kg
Djúpkarfi 28.6.18 87,90 kr/kg
Gullkarfi 20.7.18 232,04 kr/kg
Litli karfi 28.6.18 45,00 kr/kg
Blálanga, óslægð 20.7.18 301,29 kr/kg

Fleiri tegundir »

21.7.18 Jóhanna G ÍS-056 Handfæri
Þorskur 1.619 kg
Ufsi 27 kg
Karfi / Gullkarfi 4 kg
Samtals 1.650 kg
21.7.18 Dóri GK-042 Lína
Hlýri 82 kg
Keila 48 kg
Steinbítur 32 kg
Samtals 162 kg
21.7.18 Sæfari ÁR-170 Plógur
Sæbjúga /Hraunpussa 6.918 kg
Samtals 6.918 kg
21.7.18 Svanur BA-413 Sjóstöng
Þorskur 168 kg
Samtals 168 kg
21.7.18 Haftyrðill ÍS-408 Sjóstöng
Þorskur 44 kg
Samtals 44 kg

Skoða allar landanir »