Stærsta samfellda mæling á hafsbotni

Rannsóknaskipið Árni Friðriksson.
Rannsóknaskipið Árni Friðriksson. mbl.is/Þorgeir Baldursson

Leiðangursmenn á rannsóknaskipinu Árna Friðrikssyni kortlögðu alls 28.242 ferkílómetra af hafsbotni djúpt suður af landinu í Íslandsdjúpi í leiðangri sem var farinn í júní. Þetta er stærsta samfellda svæðið sem fram til þessa hefur verið mælt með fjölgeislamæli í einum og sama leiðangri í íslenskri efnahagslögsögu.

Þetta kemur fram í tilkynningu frá Hafrannsóknarstofnun en þar segir jafnframt að hafsbotn þessa nýkannaða svæðis sé að mestu þakinn seti sem safnast hefur þar fyrir með ýmsu móti í tímans rás. „Fljótt á litið virðist stór hluti botnsins vera frekar sléttur og átakalítill en öldur, setstallar og miklir farvegir setja svip á stór svæði og stöku berggangar rísa upp úr setinu,“ segir í tilkynningunni.

Leiðangur Árna Friðrikssonar stóð yfir 4.-21. júní sl. og er sá fyrri sem farinn verður í sumar í átaksverkefni Hafrannsóknastofnunar um kortlagningu hafsbotnsins í efnahagslögsögu Íslands. Markmiðið er að afla þekkingar sem nýtast mun á ýmsan hátt og er forsenda frekari vísindarannsókna við nýtingu, vernd og rannsóknir auðlinda í hafinu, á hafsbotni og undir hafsbotni.

Skilyrði til mælinga nú voru lengst af mjög góð í Íslandsdjúpi en síðustu dagar leiðangursins voru nýttir til mælinga á 1.378 ferkílómetrasvæðis í Jökuldjúpi. Þar eru jökulmenjar áberandi en einnig aragrúi af holum á mjúkum botni. Holurnar eru væntanlega til vitnis um einhvers konar uppstreymi úr setlögunum.

Heildarflatarmál fjölgeislamælinga, í þessum í leiðangri suður undir 200 mílna mörkum lögsögunnar og í Jökuldjúpi, var tæplega 30 þúsund ferkílómetrar.

mbl.is
Afurð Dags. Meðalverð
Þorskur, óslægður 21.9.18 320,58 kr/kg
Þorskur, slægður 21.9.18 326,41 kr/kg
Ýsa, óslægð 21.9.18 290,51 kr/kg
Ýsa, slægð 21.9.18 250,39 kr/kg
Ufsi, óslægður 21.9.18 88,92 kr/kg
Ufsi, slægður 21.9.18 127,26 kr/kg
Djúpkarfi 28.6.18 87,90 kr/kg
Gullkarfi 21.9.18 165,18 kr/kg
Litli karfi 28.6.18 45,00 kr/kg
Blálanga, óslægð 21.9.18 201,45 kr/kg

Fleiri tegundir »

23.9.18 Guðmundur Þór SU-121 Línutrekt
Þorskur 1.100 kg
Ýsa 956 kg
Steinbítur 536 kg
Skarkoli 19 kg
Keila 12 kg
Samtals 2.623 kg
23.9.18 Áki Í Brekku SU-760 Línutrekt
Steinbítur 3.705 kg
Þorskur 814 kg
Ýsa 299 kg
Samtals 4.818 kg
23.9.18 Jónína Brynja ÍS-055 Lína
Langa 577 kg
Ýsa 473 kg
Steinbítur 107 kg
Ufsi 52 kg
Hlýri 49 kg
Þorskur 33 kg
Karfi / Gullkarfi 31 kg
Keila 22 kg
Skarkoli 13 kg
Samtals 1.357 kg

Skoða allar landanir »