Vinnsla hófst fyrir 60 árum

Síldarverksmiðja Síldarvinnslunnar 17. júlí 1958, en þann dag var í ...
Síldarverksmiðja Síldarvinnslunnar 17. júlí 1958, en þann dag var í fyrsta sinn tekið á móti hráefni til vinnslu. Ljósmynd/Reynir Zoëga

Þann 17. júlí verða liðnir sex áratugir frá því að Gullfaxi NK kom með fullfermi af síld til Neskaupstaðar og tekið var á móti síld í fyrsta skipti til vinnslu í síldarvinnslu Síldarvinnslunnar á Neskaupstað. Báturinn kom til hafnar 17. júlí 1958 og var aflanum öllum landað í verksmiðjuna þrátt fyrir að framkvæmdum hafi ekki verið að fullu lokið við verksmiðjuna en talið var tímabært að fá hráefni til vinnslu til að láta reyna á tækjabúnað verksmiðjunnar.

Í frétt sem Síldarvinnslan birti á vef sínum í gær er atburðarins minnst. „Ekkert fór á milli mála að hér væri um tímamót að ræða og fögnuðu Norðfirðingar því að nú væri Neskaupstaður orðinn alvöru síldarbær,“ segir í fréttinni.

Mitt í þeirri gleði sem ríkti vegna tilkomu síldarverksmiðjunnar bar alvarlegan skugga á þennan fyrsta dag sem hráefni var landað í verksmiðjuna. Alvarlegt slys varð í hráefnisþróm hennar þegar þróarveggur brast og ungur maður að nafni Þorsteinn Jónsson lét lífið. Í frétt Síldarvinnslunnar segir að tólf manns hafi látið lífið við störf hjá fyrirtækinu frá stofnun þess, þar af sjö í snjóflóðunum hörmulegu 20. desember 1974.

Síldarvinnslan í Neskaupstað býður bæjarbúum og öðrum velunnurum til samkomu í Safnahúsinu í Neskaupstað á þriðjudag þar sem tímamótunum verður fagnað en þar verður gerð grein fyrir samkeppni um fyrirhugaðan minningarreit á grunni gömlu síldarverksmiðjunnar en reiturinn verður helgaður öllum þeim sem látið hafa lífið í starfi hjá Síldarvinnslunni.

mbl.is
Afurð Dags. Meðalverð
Þorskur, óslægður 21.9.18 320,98 kr/kg
Þorskur, slægður 21.9.18 322,41 kr/kg
Ýsa, óslægð 21.9.18 286,35 kr/kg
Ýsa, slægð 21.9.18 250,76 kr/kg
Ufsi, óslægður 21.9.18 87,19 kr/kg
Ufsi, slægður 21.9.18 127,26 kr/kg
Djúpkarfi 28.6.18 87,90 kr/kg
Gullkarfi 21.9.18 164,56 kr/kg
Litli karfi 28.6.18 45,00 kr/kg
Blálanga, óslægð 21.9.18 196,42 kr/kg

Fleiri tegundir »

21.9.18 Fjóla SH-007 Plógur
Ígulker 1.676 kg
Samtals 1.676 kg
21.9.18 Hörður Björnsson ÞH-260 Lína
Steinbítur 868 kg
Þorskur 861 kg
Karfi / Gullkarfi 654 kg
Tindaskata 367 kg
Hlýri 64 kg
Skarkoli 43 kg
Samtals 2.857 kg
21.9.18 Björgvin EA-311 Botnvarpa
Karfi / Gullkarfi 16.544 kg
Samtals 16.544 kg
21.9.18 Bylgja VE-075 Botnvarpa
Karfi / Gullkarfi 8.536 kg
Samtals 8.536 kg

Skoða allar landanir »