Aldrei landað jafnmiklum afla

Gullver NS hélt aftur til veiða á fimmtudag.
Gullver NS hélt aftur til veiða á fimmtudag. Ljósmynd/Ómar Bogason

„Staðreyndin er sú að þó að skipið sé gamalt þá er það ótrúlega gott – það hefur alltaf fiskast vel á það og það er ótrúlega gott í sjó. Þennan góða árangur má einnig þakka veiðarfærunum og frábærum körlum um borð.“

Þetta segir Þórhallur Jónsson, skipstjóri á ísfisktogaranum Gullveri, sem landaði 102 tonnum á Seyðisfirði á þriðjudag í síðustu viku og náði þar með fimm þúsund tonna markinu á þessu fiskveiðiári.

Rúnar L. Gunnarsson skipstjóri sker fimm þúsund tonna tertuna, sem ...
Rúnar L. Gunnarsson skipstjóri sker fimm þúsund tonna tertuna, sem vó þó ekki svo mikið. Ljósmynd/Ómar Bogason

Útgerð Gullvers gengið afar vel

Af þessu tilefni var efnt til veislu um borð í togaranum og gæddu menn sér á dýrindistertu í borðsalnum, að því er fram kemur á vef Síldarvinnslunnar. Skipið hefur aldrei fært á land jafnmikinn afla á einu ári, en næstmesti ársaflinn var 4.400 tonn á árinu 2004.

Útgerð Gullvers er sögð hafa gengið afar vel að undanförnu, en skipstjórar eru þeir Rúnar L. Gunnarsson og Þórhallur Jónsson. Jónas Jónsson var skipstjóri fyrstu fjóra mánuði fiskveiðiársins en Rúnar tók við af honum.

„Allir ánægðir með árangurinn“

Þórhallur segir að búið sé að ganga afar vel á Gullver að undanförnu.

„Síðustu ár höfum við einnig verið tiltölulega frjálsir varðandi það hvað við veiðum. Áður var það ekki svo,“ segir Þórhallur og Rúnar tekur undir.

„Það hefur gengið afar vel hjá okkur að undanförnu. Auðvitað skýrist það fyrst og fremst af því að við höfum haft nægan kvóta og skipið er afar vel nýtt. Megnið af fiskveiðiárinu höfum við veitt á okkar hefðbundnu miðum út af Suðausturlandi en við fórum einnig fjóra túra á Selvogsbanka. Hér um borð eru auðvitað allir ánægðir með árangurinn,“ segir Rúnar.

mbl.is
Afurð Dags. Meðalverð
Þorskur, óslægður 17.8.18 219,80 kr/kg
Þorskur, slægður 17.8.18 283,20 kr/kg
Ýsa, óslægð 17.8.18 211,05 kr/kg
Ýsa, slægð 17.8.18 182,13 kr/kg
Ufsi, óslægður 17.8.18 54,30 kr/kg
Ufsi, slægður 17.8.18 100,09 kr/kg
Djúpkarfi 28.6.18 87,90 kr/kg
Gullkarfi 17.8.18 161,09 kr/kg
Litli karfi 28.6.18 45,00 kr/kg
Blálanga, óslægð 17.8.18 235,00 kr/kg

Fleiri tegundir »

20.8.18 Eiður ÍS-126 Dragnót
Skarkoli 236 kg
Ýsa 108 kg
Samtals 344 kg
20.8.18 Bobby 3 ÍS-363 Sjóstöng
Þorskur 82 kg
Samtals 82 kg
20.8.18 Bobby 11 ÍS-371 Sjóstöng
Þorskur 430 kg
Samtals 430 kg
20.8.18 Bobby 15 ÍS-375 Sjóstöng
Þorskur 501 kg
Samtals 501 kg
20.8.18 Bobby 5 ÍS-365 Sjóstöng
Þorskur 113 kg
Samtals 113 kg

Skoða allar landanir »