Tólf ára á frystitogara

Andri Fannar um borð í Hrafni Sveinbjarnarsyni.
Andri Fannar um borð í Hrafni Sveinbjarnarsyni. Ljósmynd/Aðsend

„Þetta var aðeins skemmtilegra en ég átti von á,“ segir Andri Fannar Einarsson, 12 ára strákur úr Grindavík, eftir níu daga túr á frystitogaranum Hrafni Sveinbjarnasyni, í samtali við mbl.is. Andri Fannar kom í land á mánudaginn með fullt skip af makríl.

Faðir Andra Fannars, Einar Hannes Harðarson, sjómaður og formaður Sjómanna- og vélstjórafélags Grindavíkur, hefur verið um borð í Hrafni Sveinbjarnasyni lengi. Hann segir að Andri Fannar hafi ítrekað beðið um að fá að fara með á sjóinn.

„Hann er búinn að suða um þetta í nokkur ár og tilhlökkunin var mikil. Við ákváðum að láta slag standa, það var góð veðurspá og á þessum makrílveiðum erum við yfirleitt ekki lengi að fylla bátinn,“ segir Einar Hannes í samtali við mbl.is.

Andri Fannar tekur undir orð föður síns og segist hafa verið spenntur fyrir því að fara á sjóinn í 2-3 ár. Hann þurfti þó að færa fórnir til að komast með í túrinn.

„Ég missti meira að segja af tveimur dögum af Rey Cup-fótboltamótinu til að fara á sjó. Það var mín ákvörðun bara. Menn þurfa að velja og hafna,“ segir Andri Fannar af mikilli visku.

Hrafn Sveinbjarnarson.
Hrafn Sveinbjarnarson. Mynd/Þorgeir Baldursson

Skipið kom í land á mánudag með fullt skip af frystum makríl eftir níu daga veiði. Frammistaða Andra Fannars var góð þrátt fyrir sjóveiki fyrsta daginn.

„Ég ældi nokkrum sinnum. Síðan jafnaði ég mig bara og fór niður að vinna,“ segir Andri Fannar ánægður með túrinn. Hann þurfti svo sannarlega að hafa fyrir hlutunum um borð enda sjómennskan ekkert grín. „Ég fór niður og hjálpaði þeim að merkja kassa og flokka makrílinn,“ útskýrir Andri Fannar sem stefnir á að fara aftur á sjóinn næsta sumar.

Spurður hvort hann ætli sér að verða sjómaður þegar hann er orðinn stór, neitar hann því. „Ég held ég verði bara atvinnumaður í fótbolta eða körfu,“ segir Andri Fannar að lokum.

Andri Fannar þurfti að hafa fyrir hlutunum.
Andri Fannar þurfti að hafa fyrir hlutunum. Ljósmynd/Aðsend
mbl.is

Bloggað um fréttina

Afurð Dags. Meðalverð
Þorskur, óslægður 14.12.18 272,28 kr/kg
Þorskur, slægður 14.12.18 336,44 kr/kg
Ýsa, óslægð 14.12.18 229,98 kr/kg
Ýsa, slægð 14.12.18 223,03 kr/kg
Ufsi, óslægður 14.12.18 71,97 kr/kg
Ufsi, slægður 14.12.18 95,86 kr/kg
Djúpkarfi 6.12.18 307,00 kr/kg
Gullkarfi 14.12.18 281,58 kr/kg
Litli karfi 24.10.18 17,00 kr/kg
Blálanga, óslægð 14.12.18 266,76 kr/kg

Fleiri tegundir »

14.12.18 Sæli BA-333 Lína
Þorskur 263 kg
Steinbítur 211 kg
Ufsi 211 kg
Langa 172 kg
Samtals 857 kg
14.12.18 Fríða Dagmar ÍS-103 Lína
Ýsa 275 kg
Langa 203 kg
Þorskur 119 kg
Ufsi 38 kg
Keila 31 kg
Hlýri 18 kg
Karfi / Gullkarfi 16 kg
Steinbítur 7 kg
Samtals 707 kg
14.12.18 Arney BA-158 Lína
Þorskur 4.502 kg
Ýsa 668 kg
Steinbítur 31 kg
Samtals 5.201 kg

Skoða allar landanir »