Aflaverðmæti dregst saman um 17,3%

Afli íslenskra skipa var tæplega 1.177 þúsund tonn í fyrra.
Afli íslenskra skipa var tæplega 1.177 þúsund tonn í fyrra. mbl.is/Ómar Óskarsson

Afli íslenskra skipa var tæplega 1.177 þúsund tonn í fyrra, sem er 109 þúsund tonnum meiri en árið 2016. Var aflaverðmæti fyrstu sölu um 110 milljarðar króna og dróst saman um 17,3% frá fyrra ári að því er fram kemur í frétt á vef Hagstofunnar.

Alls veiddust tæplega 426 þúsund tonn af botnfiski árið 2017 og er það 30 þúsund tonnum minna en árið á undan. Nam aflaverðmæti botnfiskaflans rúmum 76 milljörðum króna og dróst saman um 17,7% frá 2016.

Eins og fyrri ár veiddist mest magn af uppsjávartegundum, en af þeim veiddust rúmlega 718 þúsund tonn. Er það 143 þúsund tonna aukning miðað við árið 2016 og munar þar mestu um ríflega 89 þúsund tonna aukningu í loðnuafla og 42 þúsund tonna aukningu á kolmunna. Árið 2017 nam verðmæti uppsjávarfisks tæpum 23,8 milljörðum króna, sem er 14,6% samdráttur frá árinu áður er aflaverðmætið nam tæpum 28 milljörðum króna.

Kort/Hagstofan

Þá veiddust tæp 22 þúsund tonn af flatfiski 2017 og er það 8,4% samdráttur frá fyrra ári. Verðmæti flatfiskafurða nam tæpum 7,5 milljarði króna og dróst saman um 17,3% frá 2016. Af skel- og krabbadýrum veiddust 10,6 þúsund tonn og er samdrátturinn 15,5% frá fyrra ári. Verðmæti skel- og krabbadýraafurða dróst einnig saman og nam rúmum 2,4 milljörðum króna samanborið við tæpa 3,5 milljarða árið 2016.

mbl.is
Afurð Dags. Meðalverð
Þorskur, óslægður 18.1.19 259,95 kr/kg
Þorskur, slægður 18.1.19 372,02 kr/kg
Ýsa, óslægð 18.1.19 240,15 kr/kg
Ýsa, slægð 18.1.19 252,62 kr/kg
Ufsi, óslægður 18.1.19 89,35 kr/kg
Ufsi, slægður 18.1.19 136,86 kr/kg
Djúpkarfi 16.1.19 253,00 kr/kg
Gullkarfi 18.1.19 220,19 kr/kg
Litli karfi 24.10.18 17,00 kr/kg
Blálanga, óslægð 18.1.19 266,89 kr/kg

Fleiri tegundir »

19.1.19 Gísli Súrsson GK-008 Lína
Langa 72 kg
Keila 71 kg
Þorskur 9 kg
Karfi / Gullkarfi 3 kg
Steinbítur 2 kg
Samtals 157 kg
19.1.19 Sunnutindur SU-095 Línutrekt
Þorskur 6.064 kg
Ýsa 194 kg
Steinbítur 44 kg
Langa 30 kg
Ufsi 8 kg
Samtals 6.340 kg
19.1.19 Sandfell SU-075 Lína
Þorskur 469 kg
Keila 446 kg
Langa 234 kg
Ýsa 187 kg
Ufsi 85 kg
Steinbítur 11 kg
Karfi / Gullkarfi 8 kg
Samtals 1.440 kg

Skoða allar landanir »