Nokkrir smábátar voru á makrílveiðum rétt við höfnina í Keflavík í gær og var mokveiði í gærmorgun en rólegra er leið á daginn.

Þegar talað var við Gylfa Bergmann hafnarstarfsmann um miðjan dag í gær var verið að landa úr þremur bátum og þrír biðu löndunar.

„Þeir hafa síðustu daga verið að fiska vel frá höfninni út fyrir Helguvík og Leiru og út undir Garðskagaflös. Í fyrradag sá maður alls staðar vaðandi makríl,“ segir Gylfi í Morgunblaðinu í dag, en um 20 bátar hafa landað í Keflavík. Makrílafli smábáta var í gær kominn yfir 2.000 tonn samtals og hafa 38 bátar landað afla, en kvóta var úthlutað til 180 báta.

Tengdar fréttir

Smábátaveiðar

Lokun Skápsins tvímælalaust að skila sér

• „Leggjum línuna hvenær sem veður leyfir“
• Náðu 10 tonnum í mokveiði
• Fordæma vinnubrögð og mótmæla tillögum
• Fjöldi tillagna fyrir aðalfundi smábátaeigenda

» Fleiri tengdar fréttir